Stiernīnis saļmu dzīduošonys tradiceja varātu tikt īkļauta NKM sarokstā

Stiernīnis saļmu dzīduošonys tradiceja varātu tikt īkļauta NKM sarokstā

Rokstu sagataveja: portals lakuga.lv

Stiernīnis draugu bīdreiba ir sagatavejuse i padavuse dasacejumu Stiernīnis saļmu dzīduošonys tradicejis nu Vydslatgolys īkļaušonai Namaterialuos kulturys montuojuma (NKM) sarokstā, Latvejis Nacionaluos kulturys centrs sevkuru godu papyldynoj ar jaunim elementim, informej Stirnienes draugu biedrība.

Par Namaterialuo kulturys montuojuma elementim skaitomys prasmis, tradicejis i zynuošonys, kas teik nūdūtys nu paaudzis paaudzē i kas ir vaļsts aizsorgojamys vierteibys. Kvalitativa dasacejuma sagataveišona beja varama, pasateicūt Vaļsts kulturkapitala fondam (VKKF), ar kura atbolstu eistynuots projekts “Saļmes Stērnīnē. Pieteikuma sagatavošana Nemateriālās kultūras mantojuma sarakstam”. Projektā apkūpuoti viesturiski foto, audio i video materiali par saļmu dzīduošonu Stiernīnis apleicīnē, intervāti tradicejis pratieji, īraksteits video, kai tradiceja teik kūpta myusu dīnuos. Dasacejums nūdūts ekspertim izviertiešonai; rezultati byus zynomi ituogods novembrī.

Unikaluo tradiceja teik uzturāta i sasagloboj pamatā lauku teritorejuos. Dīvamžāļ dzeivuotuoju, nu tuo ari tradicejis uzturātuoju, palīk vys mozuok, i daudzkur saļmu dzīduošona strauji pagaist. Mirušūs oficejs veicynoj i cylvāku kūpeibu, i individualuos izpausmis. Partū itei vierteiba, kura Stiernīnē teik uzturāta, kūpta i nūdūta cytom paaudzem, vierteiba, ar kū Latgolā lepojās, ir juonūstyprynoj ari Namaterialuos kulturys montuojuma sarokstā.

Stiernīnis draudzis lūcekli nu 1992. goda breivpruoteigi veikuši daudzys īstruodis: melodeju i dzīšmu pīroksts i atšifriešona, notu digitaliziešona, tradicejis aproksts, vacvuordu skaidruojums i fotografejis, dzīduošonys apvuiceibys, dzīduotuoju apzynuošona i pīfiksiešona. 2020. godā ar VKKF atbolstu izdūts praktiski izmontojams tradicionalūs saļmu i bieru dzīduojumu kruojums i CD dubultdisks “Saļmes Stērnīnē”, kas īmīļuots daudzuos saimēs tivejā apleicīnē, Latgolā i pat uorpus Latvejis.

Nacionalajā NKM sarokstā teik īkļauti elementi, kas NKM lykuma izpratnē ir vaļsts aizsorgojamys vierteibys. Jūs ītikšonai sarokstā ir plašs attīceiguos kūpīnys atbolsts i leidzdaleiba. Pošlaik NKM sarokstā ir 24 elementi, storp jim 8 vierteibys ir nu Latgolys: saļmu dzīduošona Zīmeļlatgolā (2017), dzīduošona pusbolsā (2017), Latgolys bubyna spēlis tradiceja (2017), saļmu dzīduošona Vabalis i Leiksnys pogostūs (2017), Upītis kulturtelpa (2018), maja dzīduošona pi krysta Dagdys nūvoda Ondrupinis i Škaunis pogostūs (2019), maja dzīduošona pi krysta Jaunovys Marijis gūdam Zīmeļlatgolā (2020), stykla pyušonys omota prasme Leivuonā (2020). Sarokstam padūtūs dasacejumus izviertej NKM padūme, pīaicynojūt ekspertus.

Projekta aktivitatēs veiduotais video par saļmu dzīduošonu Stiernīnē
Print Friendly, PDF & Email

Nūtikšonu kalendars

Aug
18
Cat
20:00 Ūgys koncerts @ "Kaņepes Kultūras centrs"
Ūgys koncerts @ "Kaņepes Kultūras centrs"
Aug 18 @ 20:00 – 22:00
“Kaņepes Kultūras centra” duorzā – Ūgys koncerts. Pi puļts DJ MARTIN BIRCH.   Ūga īvalk klauseituoju Rēzeknis hiphopa kulturys kusteibā. Tei ir īlu muzyka, mīlesteiba i vīnuoteiba storp ituos kulturys pīkūpiejim. Vīneiguo sīvīte, kura repoj[...]
Aug
19
Pīk
16:00 Preiļu nūvoda svātki @ Preili
Preiļu nūvoda svātki @ Preili
Aug 19 @ 16:00 – Aug 21 @ 16:00
Preiļu nūvoda svātki @ Preili
20:00 Dzeivuos muzykys festivals “Muzy... @ Saļņovys estrade
Dzeivuos muzykys festivals “Muzy... @ Saļņovys estrade
Aug 19 @ 20:00 – 23:45
19. augustā 20.00 Reitupis svātki tiks īskandynuoti ar dzeivuos muzykys festivalu “Muzykys tracs”, kurā pīsadaleis vairuokys grupys i muziki nu Saļņovys, Malnovys, Upītis, Īlyukstis i Reigys – p.s. SALA, Fak”n”Turīs, STAIGUĻI, Kei- Rei, Piparmētras, Rainis[...]