Atkluos izstuodi par Konstantina Raudivis davumu, aizaraušonom, dzymtyskūku

Atkluos izstuodi par Konstantina Raudivis davumu, aizaraušonom, dzymtyskūku

Rokstu sagataveja: portals lakuga.lv

7. augustā 11. stuņdēs Kruoslovys nūvoda Osyunā, Školys īlā 12, Konstantina Raudivis kulturviesturiskuo montuojuma centrā, tiks atkluota izstuode “Konstantīns Raudive – latvietis Eiropā”, kas te byus apsaverama da 31. augusta, piec tam – Dagdā i Kruoslovā, informej Konstantina Raudivis kulturviesturiskuo montuojuma centra i ituos izstuodis projekta vadeituoja Laura Pauliņa.

Karteņa: Konstantina Raudivis kulturviesturiskuo montuojuma centra arhivs

Izstuodis atkluošona nūtiks Osyuna pogosta svātkūs, juos izveide ir atbaļsteita Latgolys kulturys programā 2021 vēļ kai Dagdys nūvoda pošvaļdeibys projekts. Nu 1. septembra da 30. septembra izstuode byus apsaverama Dagdys Turisma informacejis centrā (TIC), bet nu 1. oktobra da 29. oktobra ar jū varēs īsapazeit Kruoslovā.

Karteņa: Konstantina Raudivis kulturviesturiskuo montuojuma centra arhivs

K. Raudive (1909–1974) ir Latvejā dzymuse personeiba, spūžs intelektuaļs i vīns nu spūdruokūs Eiropys mārūga dūmuotuoju ar sasnāgumim pasauļa mārūgā, kai rakstnīks, filozofs i parapsihologs. Izstuodē apsaveramī informativī stendi atainoj K. Raudivis dzeivis guojumu, juo radūšū darbeibu, izdūtuos gruomotys, davumu parapsihologejā, autora dūmu gryudus, kai ari Raudivis saimis dzymtys kūku.

Karteņa: Konstantina Raudivis kulturviesturiskuo montuojuma centra arhivs

Par izstuodē pīduovuotajom novitatem L. Pauliņa soka: “Izstuodis projekta mierkis ir popularizēt Raudivis dzymtuos sātys vītys apleicīni i juo davumu. Izstuodi veiduos 10 informativī stendi, kotrys nu jūs veļteits kaidam Raudivis dzeivis pūsmam voi aizaraušonai. Kas pavysam jauns myusu pīduovuojumā ir juo dzymtyskūks. Asam sasazynuojuši ar juo radineicu, jei dzymtyskūku ir maksimali preciziejuse. Izstuodis fonā skanēs Raudivis īraksteitī bolsi. Mes īsadūmuojom, ka tys izstuodei dadūtu drupeit mistisku auru.”

Print Friendly, PDF & Email

Nūtikšonu kalendars

Nov
27
Svā
14:00 Gruomotys “Trusīni vessim reitā ... @ Lūznovys muiža
Gruomotys “Trusīni vessim reitā ... @ Lūznovys muiža
Nov 27 @ 14:00 – 15:30
Voi Latgola itaida byus myužeigi, voi vys tik tei puorsamej, koč kam pagaistūt, bet kam cytam īmūt vītā? Šveicis muzikis i muokslinīks Vinsents Flikigers (Vincent Flückiger), pavodūt Latgolā daudz laika, tū sovulaik īmyužynuojs zeimiejumu serejā[...]
19:00 Gruomotys “Welcome to Latgale, m... @ tīšsaistē
Gruomotys “Welcome to Latgale, m... @ tīšsaistē
Nov 27 @ 19:00 – 20:00
27. novembrī ceļu pi skaiteituoju suoks Pāvela Snasela gruomota “Welcome to Latgale, my heart”, informej pats autors. Tei ir dzejūļu i stuostu gruomota angliski, kurā var skaiteit par autora ceļuojumim iz Latgolu; juo dūmom i[...]