Kulturys īsacejumi nedeļai: “Cylvāka bārns” i “Borowa Mc”, Rogovka, “Kamudze”

Kulturys īsacejumi nedeļai: “Cylvāka bārns” i “Borowa Mc”, Rogovka, “Kamudze”

Rokstu sagataveja: portals lakuga.lv

Itūnedeļ kulturys īsacejumi ir pasavierīņs iz latgalīšu radeitū nu suona. Volūdnīks Pīters Greblūns (Piotr Grablunas) nu Adama Mickeviča universitatis Poznaņā, Pūlejā, storptautyskuo projekta “Coling” aktivitatēs ūtru godu gastej Latgolā i ir īpaziņs myusu zemi gona labi.

Latgalīšu klasika: filma “Cylvāka bārns” i grupys “Borowa Mc” muzyka

“Ituos ir tuos atslāga lītys, kū es grybātu paruodeit, stuostūt par Latgolu cytim svešinīkim. Filma “Cylvāka bārns” ir latgaliski, a nu vacuos latgalīšu muzykys maņ pateik taišni “Borowa Mc”,” soka Pīters.

Fragments nu J. Streiča filmys “Cylvāka bārns” (1991)

Dasaceisim, ka grupys “Borowa Mc” izpiļdeituo dzīsme “Vysskaistuokajai meitinei” ar popularuos latgalīšu dzīsmis motivu palyka par absolutu Latvejis muzykys hitu, pajamūt viersu aptaujā “Muzikālā Banka” i dabojūt nagaideiti lobus rezultatus ari cytūs topūs i bolvuos, dzīsme ari sajāmuse “Boņuks 2011” kai radejis hits.

Rogovka

Soka, ka Rēzekne ir Latgolys sirds, ir Latgolā daudz īviereibys cīneigu vītu. A Rogovka maņ īkrytuse sirdī, pārņ te beju ari Andryvam Jūrdžam veļteitā pasuokumā. Rogovkīšim svareiga jūs Rogovka, jī par jū daudz stuosteja – par viesturi i cylvākim, kas te dzeivuojuši. Maņ cīš patyka jūs škola. Rogovka ir vasals fenomens. Kai rogovkīši īsastuoj par sovu vītu i sovim cylvākim, ir tuo vārts pasavuiceit cytim.

Filmā “Cylvāka bārns” skaņ “Troks voi nu Rogovkys”. Tū teicīni “Troks voi nu Rogovkys” zyna vysā Latvejā, es ari zynu.

Dzīsme “Kamudze” nu “Rikšu” albuma “Trīp!”

Maņ pateik ari “Rikšu” muzyka. Īintrigēja mani dzīsme “Kamudze”. Izameklieju pa vysom vuordineicom ituo vuorda skaidruojuma i nikur nikuo naatrodu. Tod maņ pasaceja, ka Latgolys dzīsmēs sastūpamī refreni ir cīš sovpateigi i atškireigi, tī vuodi var nanūzeimuot piļneigi nikuo. Še tev!

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]