Aicynoj dasaceit pretendentus Nikodema Rancāna bolvai Latgolys školuotuojim

Aicynoj dasaceit pretendentus Nikodema Rancāna bolvai Latgolys školuotuojim

Rokstu sagataveja: portals lakuga.lv

Nikodema Rancāna bolva teik padūta izcylim Latgolys regiona pedagogim, kas kūp latgaliskuos vierteibys, radūši i inovativi organizej vuiceibu procesu, ir sabīdreibys vīdūkļu lideri. Itūgod īdybynuota eipaša bolva par rodūšu i psihologiski atbolstūšu pīeju attuolynuotūs vuiceibu laikā, dūmojūt par kvalitativu napuortrauktu izgleiteibys procesu ari pandemejis laikā. Izcyluokūs pedagogus var dasaceit bolvai da ituogods 20. septembra 12.00 stuņžu, informej Latgalīšu kulturys bīdreibys vadeituojs Jurs Viļums.

N. Rancāna bolva ir īdybynuota 2015. godā, gūdynojūt izcyluo Latgolys pedagoga, sabīdryskuo darbinīka, goreidznīka davumu taišni izgleiteibys procesu atteisteibā Latgolā. Pārnejā godā tradicionaluo bolvys padūšonys ceremoneja dīvamžāļ izpalyka, tok itūgod Latgalīšu kulturys bīdreiba ir lāmuse, ka bolvys tiks padūtys 26. septembrī – taišni Nikodema Rāncāna dzimšonys dīnā. Pasuokums paradzāts kluotīnē Rēzeknis Tehnologeju akademejā ci ari attuolynuoti, ka tū pīpraseitu epidemiologiskuo situaceja.

Latgalīšu kulturys bīdreiba aicynoj kotru školu, školānu pošpuorvaļdi, vacuoku padūmi ci navaļdeibys organizaceju (NVO) pastuosteit par sovim izcyluokajim školuotuojim, eipaši attuolynuotuo vuiceibu procesa laikā. Itys laiks nūstyprynuoja sabīdreibā školuotuoja profesejis prestižu, izcēle tūs školuotuojus, kas, nasaverūt iz daudzim izaicynuojumim, atroda rodūšys i školānu atbolstūšys pīejis. Taipat organizatori grib eipaši pasateikt tim školu direktorim, kuru iniciativa ļuove veiduot minimalus puortraukumus vuiceibu procesa nodrūsynuošonā. 

Ari itūgod teik gaideiti dasacejumi i nu pyrmsškolys, i vyspuorejuos, profesionaluos i augstuokuos izgleiteibys īestuožu, kur kasdīnā ryupejās par latgaliskūs vierteibu saglobuošonu. 

Vysys školys i jūs puorstuovi, kai ari navaļdeibys organizaceju aktivisti ci ari poši školāni teik aicynuoti pasateikt izcyluokajim pedagogim, pīsokūt jūs N. Rancāna bolvai. Vysuos nominacejuos pretendentim papyldu punkti tiks pīškierti, ka dorbā teik izmontuota Latgolys latvīšu (latgalīšu) volūda i modernuos tehnologejis, partū ka myusdīnuos tys nūdrūsynoj izaugsmi.

Pretendentu lūkā jau automatiski teik īkļauti vysi paguojušajā godā dasaceitī pretendeti, tok vēļ papyldu dasacejumi itūgod teik gaideiti da 20. septembra 12.00 stuņžu, syutūt iz e-postu latgalisubidreiba@gmail.com.

Nūlykums i jam dalyktuo dasacejuma anketa obejūs latvīšu volūdys paveidūs – latgalīšu rokstu volūdā ITE, latvīšu literarajā volūdā ITE.  Latgalīšu kulturys bīdreiba, kas organizej N. Rancāna konkursu, aicynuojumus daleibai izsyuta ari vysom školom i nūvodu izgleiteibys puorvaļdem.

Print Friendly, PDF & Email

Nūtikšonu kalendars

Jan
26
Tre
vysu dīnu Nūvodpietnīceibys lasejumi prāve... @ Bolvu Nūvoda muzejs, tīšsaiste
Nūvodpietnīceibys lasejumi prāve... @ Bolvu Nūvoda muzejs, tīšsaiste
Jan 26 vysu dīnu
Nūvodpietnīceibys lasejumi prāvesta Alberta Budžis pīmiņai @ Bolvu Nūvoda muzejs, tīšsaiste
Gūdynojūt prāvesta Alberta Budžis (1930–1957–2017) atceri, Bolvu Centraluo biblioteka aicynoj pietnīkus pīsadaleit “Novadpētniecības lasījumos prāvesta Alberta Budžes piemiņai”. Tēmu lūks nav īrūbežuots, jis ītvar sevkuru pietnīku interesejūšu jūmu, kurys izpietis teritoreja ir Bolvu nūvods. Lasejumu[...]
Jan
28
Pīk
19:00 Gruomotys “Mīlas kastings” muzyk... @ Babeitis Kulturizgleiteibys centrs
Gruomotys “Mīlas kastings” muzyk... @ Babeitis Kulturizgleiteibys centrs
Jan 28 @ 19:00 – 21:00
Gruomotys "Mīlas kastings" muzykaluo prezentaceja @ Babeitis Kulturizgleiteibys centrs
28. janvarī 19.00 Babeitis Kulturizgleiteibys centra lelajā zalē, Piņkūs, nūtiks rakstneicys Ilzis Aizsilys gruomotys “Mīlas kastings” muzykaluo prezentaceja.   Par latgalisku nūskaņu pasaryupēs: rakstneica Ilze Aizsila i improvizators Viesturs Vizulis; muzykys grupa “Dabasu Durovys”; videjuos[...]