“Rikši”: jubilejis koncerts byus kai dzimšonys dīnys balleite

“Rikši”: jubilejis koncerts byus kai dzimšonys dīnys balleite

Roksta autore: Sintija Augustova, portals lakuga.lv

Koč i eistuo “Rikšu” dzimšonys dīna ir 14. janvars, pandemejis laika ītekmē puorcaltais svātku koncerts Latgolys viestnīceibā GORS byus tik itymā nedeļgolā – 4. septembrī 18.00 stuņdēs. Rokstā par “Rikšu” sajiutom i emocejom pyrma 10 godu jubilejis koncerta. 

Postfolklorys grupa “Rikši” nūruoda, ka jī ir nūsailguojuši piec spieliešonys. “Sajiuta ir taida, ka tik julī, augustā koč kas ir suocs nūtikt. Asam līku reizi nūviertejuši, kas ir tys, deļ kam mes nūsadorbojom ar tū, kū mes doram – kas ir tei līta, parkū navarim iztikt bez spieliešonys, parkū gribim sasatikt ar cylvākim, izdancynuot i pasakustēt.” Taipat “Rikši” ir puorlīcynuoti, ka ari cylvāki ir nūsailguojuši piec koncertim i koč kuo prīceiga. 

Muziki koncertā raudzeis “izsaut” vysu, kas jim ir, maksimali sevi atdūt koncertam. “Raudzeisim drusceņ uzluodēt sovys baterejis, lai varātu mīreigi puorlaist zīmu,” stuosta “Rikši”. Taipat muziki ir pīsardzeigi par nuokūtnis epidemiologiskū situaceju, deļtam aicynoj vysus paspēt “patusēt” i pabaudeit muzyku pyrma pandemejis trešuo viļņa.

Postfolklorys grupa “Rikši” doluos, ka koncerts byus kai dzimšonys dīnys balleite. “Gribim, lai ir taida sajiuta, ka esi atguojs iz dzimšonys dīnu, kur var parunuot, padoncuot, padzīduot.” 

Taipat “Rikši” stuosta, ka koncertā varēs dzierdēt na tikai desmit godu laikā tapušuos popularuokuos dzīsmis, kas pateik gon klauseituojim, gon ari pošim muzikim, bet ari stuostus par jūs tapšonu, izzynuot atmosferu, kaidā roduos grupa, juos nūsaukums, kai ari stuostus par spūdruokajom nūtikšonom grupys viesturē. “Kai jau jubilejā – atsaver iz vysu sovu dzeivi, vysu, kas izdareits, kas nūtics,” stuosta “Rikši”.  “Mes pīfiksejam nūtykumus, verūtīs iz vysu, kas saraksteits, ir bejuši daudzi braucīni, koncerti. Pat taidūs godūs, kod lykuos, ka mes nikuo nadarejom. Tī ir desmit godi, kur ir daudz pasuokumu – vīns spylgtuoks par ūtru,” pīzeist grupa. 

Vaira informacejis par beletim i koncertu skaiti ITE.

Print Friendly, PDF & Email

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
18:00 Bronislavai Martuževai veļteits ... @ Latgolys viestnīceiba "Gors"
Bronislavai Martuževai veļteits ... @ Latgolys viestnīceiba "Gors"
Apr 13 @ 18:00 – 19:30
“Topi stipra, sirds” – koncertizvadums, kas veļteits izcyluos latvīšu dzejneicys i dzīsmineicys Bronislavys Martuževys 100. jubilejai. Koncertizvaduma muokslinīcyskū koncepceju veidoj dirigente Aira Birziņa i aktrise Baiba Broka. Dzejneicys Bronislavys Martuževys (1924–2012) symtgade tiks svieteita 2024.[...]