Aicynoj vuiceitīs kūklis spēlis pamatus i īpazeit Latgolys folklorys montuojumu

Aicynoj vuiceitīs kūklis spēlis pamatus i īpazeit Latgolys folklorys montuojumu

Rokstu sagataveja: portals lakuga.lv

2021. gods augustā bīdreiba “Cilvēka attīstības centrs” pabeiguse projektu “Koklēsim Krāslavas novadā!”. Projekta mierkis ir saglobuot i nu jauna īdzeivynuot Latgolys kūklis spēlis tradiceju Kruoslovys nūvodā, i rūnūt vareibu vuiceitīs tradicionaluos kūkliešonys pamatus Kruoslovā nūvoda dzeivuotuojim, tamā skaitā bārnim, i popularizejūt kūklis spēli plašuokai auditorejai Kruoslovys nūvodā, informej bīdreibys “Cilvēka attīstības centrs” projektu vadeituoja Ilze Mežniece.

Projekta laikā Latvejis kūkļu meistari Eduards Klints i Ģirts Laube ir radejuši skaistys Latgolys kūklis, instrumentu veiduotuojs Aleksandrs Maijers sataisejs tradicionaluos stabulis, kurys vysys nu daīmamys apvuiceibom Kruoslovā i apleicīnē. Īguoduota ari apskaņuošonys tehnika i šiviejis Ilzis Landmanis radeiti skotuvis tārpi. Nu tik vajag tū vysu likt lītā projekta mierķa pīpiļdeišonā.

Itūšaļt, padorūt projekta rezultatus publiski daīmamus, bīdreiba “Cilvēka attīstības centrs” sadarbeibā ar Kruoslovys kulturys nomu aicynoj Kruoslovys i plašuokys apleicīnis dzeivuotuojus vuiceitīs kūklis spēli.

Vysaidūs īrūbežuojumu deļ apvuiceibys plānuotys individualys i attuolynuoti laikā nu 2021. gods oktobra da 2022. gods janvara. Kruoslovys nūvoda folklorys kūpys “Primaki” vadeituoja Ilze Mežniece dūs vareibu interesentim vuiceitīs kūklis spēlis pamatus, īpazeit Latgolys folklorys montuojumu. Piec diveju mienešu īvadnūdarbeibu, nūpītnuokim daleibnīkim paradzātys padzilinuotys nūdarbeibys kūklis spēlē.

Interesentus aicynoj dasasaceit ITE.

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]