Ituogods “skotivis nogla” – Rēzeknis teatra “Joriks” izruodei

Ituogods “skotivis nogla” – Rēzeknis teatra “Joriks”  izruodei

Rokstu sagataveja: portals lakuga.lv

2021. gods 23. novembrī, Eduarda Smiļģa 135. dzimšonys dīnā, Dailis teatrī tyka  apbolvuoti paguojušuos teatra sezonys izcyluokī īstudiejumi i individualī snāgumi, viesteits “Spēlmaņu nakts” sātyslopā.

Vīna nu 13 “skotivis noglu” aba “Spēlmaņu nakts 2020/2021” bolvu padūta Mārtiņa Eihis, Kristys Burānis, Pamelys Butānis, Jēkaba Nīmaņa izruodei “Mans kaimiņš ebrejs” Rēzeknis teatrī “Joriks” – par piļsātys kūpīnys salīdiešonu, profesionaluos i amateru muokslys savīnuojumu i viesturiskuos apzinis mūdynuošonu bez agresejis i didaktikys. Apsveicam!

Apsveicam ari režisoru Vīsturu Kairišu par sajimtū ituos “Spēlmaņu nakts” Lelū bolvu – Dailis teatra izruode “Smiļģis” tyka atzeita par Goda izruodi. Ieva Jurjāne i V. Kairišs taipat sajēme “skotuvis noglu” par kūpdorbu itamā izruodē – režejis i scenografejis absolutu saplyusmi, rodūt īstudiejumu vizualuo teatra estetikā.

“Spēlmaņu nakts” 2020./2021. gods sezonys konkursa izruodis vērtēja žurejis komiseja pīcu cylvāku sastuovā: teatra kritike i zynuotneica, žurejis komisejis prīšksādātuoja Zane Radzobe, teatra kritike i zynuotneica Edīte Tišheizere, teatra kritike Juta Ance Ķirķis, teatra kritike i kulturys žurnaliste Undīne Adamaite, teatra kritike Gundega Saulīte.

Ar puorejim “Spēlmaņu nakts” bolvys sajiemiejim var īsapazeit ITE. Ituogods “Spēlmaņu nakts” apbolvuošonys ceremonejis TV īrokstu var nūsavērt ITE.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]