Izdūta Inetys Atpilis-Juganis dzejis gruomota “Spuornu golu šolks”

Izdūta Inetys Atpilis-Juganis dzejis gruomota “Spuornu golu šolks”

Rokstu sagataveja: portals lakuga.lv

Novembra nūgalē izdūtajā dzejneicys Inetys Atpilis-Juganis gruomotā “Spuornu golu šolks” (latvyski ‘zīds’) īkļauti jaunuokī dzejūli latgaliski, kas ļaun dūtīs vuordu i šolka ceļūs, pīsatyvojūt latgalīšu volūdys garšai. Paraleli dzejis vuordim voi sintezē ar tekstu gruomotā baudoms fotografis Aritys Atpilis-Donys veiduotais vizualais stuosts par izjiutu gaiseigumu i vīglumu, kas soveigs viņ i vīneigi šolkam, informej Latgolys entuziastu grupa “Biļdis”.

“Spuornu golu šolks” ir Inetys Atpilis-Juganis septeituo dzejis gruomota i pīktuo dzejis gruomota latgalīšu volūdā. Pyrma juos beja “Neatburtā uguns” (2001), “Reveranss. Sarkans uz sarkana” (2008), “Otkon giunu sapynus” (2015), “Mūdynuot muokuļus” (2017), “Lobuo i nalobuo” (2019), “Burtu vuoceleite” (2021).

Karteņa: Arita Atpile-Dona

Ari itei gruomota, kai īprīškejuos, puorsteigs skaiteituojus ar dizainu, partū ka jei pīduovoj vēļ vīna vareiba, kai īraudzeit dzeju – tālu, kruosu i nianšu smolkajā pasaulī, saplyustūt ar vuordim voi klusumu. I puori/storpā – šolks. “Šolks – tys ir koč kas tik maigs, vīgls, trusons, caurradzams, a reizē natycami styprs i dabeigs. Jis var i pīsegt, i atkailynuot. I, ka tys ir spuornu golu šolks, tod vyss var byut vēļ natvairamuoks, vēļ caurspeideiguoks, vēļ eteriskuoks,” soka gruomotys autore.

Karteņa: Arita Atpile-Dona

Novembris, eipaši juo nūgale, daudzim ir goda tymsuokais i dryumuokais laiks, kod gribīs vaira kruosu, prīcys, syltuma. Tys ari ir laiks vaira sev, kod gribīs vīnkuorši īsarytynuot syltā dečī i pagaist dzejis pasaul. Partū novembris ir na viņ dzejneicys Inetys Atpilis-Juganis, tok ari juos jaunuos dzejūļu gruomotys dzimšonys mieness.

Karteņa: Arita Atpile-Dona

Gruomotu izdavuse Latgolys entuziastu grupa “Biļdis”, jei īspīsta SIA “Latgales Druka”, gruomotys korektore – Sandra Ūdre. Gruomota topuse ar Vaļsts kulturkapitala fonda, a/s “Latvijas valsts meži”, bīdreibys “Latgales reģiona attīstības aģentūra”, Dubultu Rakstnīku noma, Ventspiļs Storptautyskuos Rakstnīku i tulkuotuoju sātys atbolstu.

Print Friendly, PDF & Email

Nūtikšonu kalendars

Dec
4
Svā
vysu dīnu Izstuode “Pierastie un neparastie” @ Daugovpiļs Nūvodpietnīceibys i muokslys muzejs
Izstuode “Pierastie un neparastie” @ Daugovpiļs Nūvodpietnīceibys i muokslys muzejs
Dec 4 vysu dīnu
Daugovpiļs Nūvodpietnīceibys i muokslys muzejā da 4. decembra apsaverama Aleksandra i Ingys Maijeru muzykys instrumentu i skaņu reiku kolekcejis izstuode “Pierastie un neparastie”. Inga Maijere i Aleksandrs Maijers jau vaira nakai divdesmit godu taisa skaņu[...]
15:00 Kamermuzykys koncerts “Latgales ... @ Lūznovys muiža
Kamermuzykys koncerts “Latgales ... @ Lūznovys muiža
Dec 4 @ 15:00 – 16:30
Koncerts “Latgales ainavas” veļteits Latgolā dzymušu, kai ari ar tuos kulturu saisteitu komponistu dorbim. Koncertā byus klausama kamermuzyka flautai, vejūlei i klavīrem, kū atskaņuos jaunekleigais akademiskuos muzykys trio “Tea For Three”. Trio sastuovā muzicej flautiste[...]