Kulturys īsacejumi Zīmyssvātku nedeļai: “Cylvāka bārns” i svātku koncerti
![Kulturys īsacejumi Zīmyssvātku nedeļai: “Cylvāka bārns” i svātku koncerti](https://www.lakuga.lv/wp-content/uploads/2021/12/Diona-isacejumi-1000x667-c-default.jpg)
Rokstu sagataveja: portals lakuga.lv
Ituos svātku nedelis īsacejumus saguoduojuse muzykaluo šova “X Faktors” pusfinaliste, muzike i dzīšmu autore Diona Liepiņa. Diona īsoka Zīmyssvātku nedeļā pasavērt Juoņa Streiča kinu “Cylvāka bārns” i izbaudeit svātku koncertus.
“Cylvāka bārns”
Tei ir filma, kas nikod naapneik, deļtam ka tei ir patīsa, ciļvieceiga i bez līku uoriškeibu. Latvīšu i latgalīšu volūdys sajaukums ruodīs cīši labi atspīgeļuots.
Filmu individuali ci saimē var nūsavērt ITE.
![](https://www.lakuga.lv/wp-content/uploads/2011/11/cilvekbernsvaks-mazaks.jpg)
“Lai visiem svētku egle mirdz” – 26. decembra koncerts Latgolys viestnīceibā “Gors”
Itys byus eipašs koncerts. Muns pyrmais koncerts “Gorā”, pyrmais koncerts ar Normundu Rutuli i pyrmais koncerts, kurā ari es asu eipašais gosts. Byus pateikama Zīmyssvātku gaisūtne, izpiļdeisim gon vītejūs, gon pasauļa muokslinīku dzīsmis. Vaira par koncertu ITE.
![](https://www.lakuga.lv/wp-content/uploads/2021/12/Diona-Liepina-Normunds-Rutulis.jpg)
TV3 koncerts “Vislabākie Ziemassvētki”
Itymā koncertā, kas izskanēs 24. decembra vokorā 20.45 TV3 eterā, uzastuos “X Faktora” dalinīki i ari cyti “X Faktora” komandys kolegys. Pādejuo reize itymā godā, kab pasakavātu atmiņuos par šovu i izbaudeitu Zīmyssvātku nūskaņu. Zynu, cik cīteigai kotrys gataveja sovus prīšknasumus. Vaira par koncertu ITE.
![](https://www.lakuga.lv/wp-content/uploads/2021/12/Diona_X-faktors-620x414.jpg)