Izguojs ūtrais, papyldynuotais Jura Cybuļa “Latgaliešu ābeču (1768–2020)” izdavums

Izguojs ūtrais, papyldynuotais Jura Cybuļa “Latgaliešu ābeču (1768–2020)” izdavums

Roksta autors: portals lakuga.lv

Skaiteituojim niu ir daīmams ūtrais puorstruoduotais, papyldynuotais i lobuotais gruomotys “Latgaliešu ābeces (1768-2020)” izdavums. Gruomotā var īsapazeit ar latgalīšu ābecis ceļu vairuoku godu symtu laikā, izzynuot ābeču tipus i veidus, kai ari jūs sastuodeišonys i ilustriešonys pryncypus.

Jurs Cybuļs ir daudzu gruomotu autors i leidzautors, par sovu darbeibu 2015. godā ir sajiems Latgalīšu kulturys goda bolvu “Boņuks 2014” nominacejā “Lobuokais izdavums/gruomota” par “Purlovas gruomotu”, kas itūgod pīdzeivuoja trešū papyldynuotū izdavumu.

Taipoš 2014. godā Jurs Cybuļs kūpā ar profesori Lideju Leikumu izstruoduoja treisdaleigu vuiceibu materialu i latgalīšu ābeci “Skreineite”, ar kurys paleidzeibu var īsavuiceit gon skaiteit, gon ari raksteit latgaliski. “Skreineite” sastuov nu uzziņu materiala par ābeci, pošys ābecis latgalīšu volūdys vuiceišonai, kai ari dorba būrtneicys raksteišonys prasmis vuiceišonai i uzlobuošonai. Vaira par “Skreineiti” ITE.

Juoņs Cybuļs ir pazeistams ari ar sovu lelū ābeču kolekceju – kūpā jis ir salasejs ap 10 300 ābeču nu 223 zemu 1183 volūduos. Ir bejuse vareiba ābeču kolekceju redzēt apmāram 220 reizis, tū ir izstuodejuši gon Latvejis muzejūs, školuos, bibliotekuos, cytuos kulturvītuos, kai ari uorzemēs. Pyrmais “Latgaliešu ābeču” izdavums izguoja 2009. godā.

Gruomotu “Latgaliešu ābeces (1786-2020)” sovā eipašumā ir vareiba īgiut ITE.

Kalenders

Mar
28
Pīk
all-day Juoņa Gleizda symtgadei veļteita... @ Latgolys Centraluo biblioteka
Juoņa Gleizda symtgadei veļteita... @ Latgolys Centraluo biblioteka
Mar 28 all-day
Nu 4. februara da 28. marta Latgolys Centralajā bibliotekā (Reigys īlā 22a) apsaverama fotomuokslinīka Juoņa Gleizda symtgadei veļteita izstuode “GAISMĀ.punkts”. Izstuode sastuov nu Gleizda aktu fotografeju reprodukceju i konkursa malnboltajā fotografejā “Juoņa Gleizda bolva fotografejā[...]