Grupa “Ogas” publicej Ludzys apleicīnē pīraksteitys Leldīnis dzīsmis videoklipu

Grupa “Ogas” publicej Ludzys apleicīnē pīraksteitys Leldīnis dzīsmis videoklipu

Rokstu sagataveja: portals lakuga.lv

Leldīnis reitā etnoprīcys grupa “Ogas” (latgaliski byutu “Ūgys”) publiciejuse Leldīnei veļteitu videoklipu dzīsmei “Kū as devu šyupeļame”, viestej informaceja grupys profilā socialajā teiklā Facebook. Dzīsme originali pīraksteita Ludzys apleicīnē.

Dzīsme “Kū as devu šyupeļame” ir Sofijis Mikažānys i Jūļys Vasilānys 1940. godā Ludzys pusē Zviergzdinē Emiļa Melngaiļa pīraksteituo melodeja grupys “Ogas” aranžejā. Dzīsmi īdzīduojušys grupys dalineicys Diāna Logina i Ilze Jurjāne, kurys obejis īt nu Latgolys, kūklis īspieļuojušys Igeta Uozuoliņa i Dace Melbārde, bet akordeonu Marita Karpa. Dzīsmis video taisejs Ēriks Upenieks, bet videoklipā pīsadola ari studejis “Tev un man” audziekni Eva Kukaine i Luiss Uplejs, grupys “Stiprās sievas” dalineica Baiba Eiduka-Skuja, horeografs Agris Danilevičs i juo meita Emīlija Danileviča.

Etnoprīcys grupa “Ogas” ir ansamblis, kura repertuarā ir latvīšu tautysdzīsmis, tautā īmeiļuotys melodejis i daņči. Grupys dalinīki spielej dažaidus instrumentus, dzīž i ari sovuos uzastuošonuos īsaista publiku. Grupā dorbojās Diāna Logina (bolss, cymbala, akordeons, bubyns, īru stabule), Ilze Jurjāne (bolss, vejūle), Igeta Uozuoliņa (bolss, kūkle), Kristaps Karps (perkusejis, bungys), Domeniks Janaitis (bass), Marita Karpa (akordeons), Agnese Lukjanova (bolss, kulinis, flauta, īru stabule, mandolina) i Krišjānis Gaikis (bass).

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]