Atkluos gruomotu “Kārsavas stāsti II”

Atkluos gruomotu “Kārsavas stāsti II”

Rokstu sagataveja: portals lakuga.lv

28. julī 18.00 stuņdēs Kuorsovys kulturviesturis centrā “Līču mājās” atkluos gruomotu “Kārsavas stāsti II”, informej dūmneicys “Creative Museum” vadeituoja Ineta Zelča Sīmansone. Atkluošonys muzykalī gosti byus Sovvaļnīks i Arnis Slobožanins.

2017.–2018. godā dūmneica “Creative Museum” sadarbeibā ar Kuorsovys nūvoda pošvaļdeibu eistynuoja pietnīceibys projektu “Kārsavas stāsti I”.
Rezultatā roduos rokstu kruojums, kurā pyrmū reizi apkūpuoti pietejumi par Kuorsovys nūvoda arheologiskajom vītom, muižu sistemu, dzeļžaceļa viesturi, religiskajom draudzem i 20. godu symta karu nastajom puormaiņom. Kuorsova izaruod boguota ar sovim kulturys montuojuma objektim, kas sasaglobuojuši da myusu dīnu, – bazneicom, muižom, dzeļžaceļa infrastrukturu, kai ari ar stuostim, tradicejom i viesturi. Rokstu kruojums “Kārsavas stāsti” beja pyrmais mieginuojums tūs apkūpuot i īzeimēt piļsātys vītu kartē vīnleidz laikā i telpā.

Sūpluok akademiskim pietejumim, asūšī i bejušī kuorsavīši tyka aicynuoti attaiseit sovus dzymtys arhivus i daleitīs ar viesturiskajom karteņom.
Gruomotys popularitate, interesentu vaicuojumi par turpynuojumu i vēļ pietejamūs temu daudzveideiba, projekta eistynuotuojim lyka lemt, ka vajadzeigs rokstu kruojuma turpynuojums. 2020. godā suocēs dorbs, veidojūt rokstu kruojumu “Kārsavas stāsti II”, kas stuosta par Kuorsovu storpkaru periodā i laikā piec Ūtruo pasauļa kara, runojūt ari par itūšaļt tik aktualū militaruos viesturis vaicuojumu Kuorsovys teritorejā.

Ir radeiti vairuoki akademiski pietejumi, eipašu viereibu veļtejūt 20. godu symta ūtruos pusis socialajai viesturei i vītejūs dzeivuotuoju stuostim. Dr. hist. Ēriks Jēkabsons pietejs Kuorsovu storp div pasauļa karim i sniedzs īskotu pošvaļdeibys darbeibys procesūs. Pietnīks Valdis Kuzmins pietej karadarbeibu Kuorsovys nūvodā Ūtruo pasauļa kara laikā. Dr. hist. Uldis Neiburgs pietej 20. godu symtu caur kuorsavīša Aleksandra Proboka stuostu. Viesturnīks Agris Dzenis pīduovoj pietejumu “Kārsavas pilsētas pārvaldes – deputātu padomju un izpildkomitejas darbība 1944. – 1991. gads un pilsētas attīstība”. Sovpus žurnaliste i pietneica Gunta Ločmele sadarbeibā ar kuorsavīti Valentīnu Zelču apvaicuojuse vītejūs kuorsavīšus i savuokuse atminis par padūmu laiku Kuorsovā. Rokstu kruojumu papyldynoj kuorsavīša Aleksandra Proboka 20. godu symta 50.–60. godūs uzjimtuos kartenis, kai ari kartenis nu kuorsavīšu privatūs arhivu.

Rokstu kruojuma “Kārsavas stāsti II” sastateituoja i projekta vadeituoja – Ineta Zelča Sīmansone, zynuotniskais redaktors ir Dr.hist. Uldis Neiburgs, literaruo redaktore i korektore Austra Celmiņa-Ķeirāne. Grafiskais dizainers – Edvards Percevs. Fotografs – Didzis Grodzs. Atbolsta Kuorsovys nūvoda pošvaļdeiba (Ludzys nūvoda pošvaļdeiba), VKKF, Latgolys kulturys programa, “Creative Museum”. Pasyuteituojs: Kuorsovys nūvoda pošvaļdeiba (Ludzys nūvoda pošvaļdeiba). Izdeviejs: “Creative Museum”.

Print Friendly, PDF & Email

Kalenders

Apr
15
Pyr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 15 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Apr
16
Ūtr
12:00 Izruode “Spreideits” @ Daugovpiļs teatris
Izruode “Spreideits” @ Daugovpiļs teatris
Apr 16 @ 12:00 – 13:00
Pyrmū reizi nu teatra skotuvis puosoku luga „Sprīdītis” izskanēs latgaliski! Izruode ir paradzāta kai tim, kurim latgalīšu volūda ir dzymtuo, tai tim, kurim gribīs tū lobuok īpazeit, jo Spreideiša laimis mekliejumi ir labi zynomi i[...]