Tradicionalajā Annys dīnā Bieržgaļs svieteis 555 godu jubileju

Tradicionalajā Annys dīnā Bieržgaļs svieteis 555 godu jubileju

Rokstu sagataveja: portals lakuga.lv

Bieržgalī 23. julī nūtiks Annys dīnys pasuokums, kas itūreiz byus 555 godu jubilejis, kai Bieržgaļs pīmynāts rokstūs, zeimē, informej Ontona Rupaiņa muzeja vadeituoja Skaidreite Apeināne. Annys dīna jau nu seneju laiku tī ir leli svātki, jo Bieržgaļa Romys katuoļu bazneica ir īsvieteita Sv. Annys gūdam.

Katuoliskajā Latgolā goreiguos nūzeimis deļ Annys dīna tykuse eipaši svieteita. Bieržgalī jau 20. g. s. storpkaru periodā tī bejuši leli svātki ar Svātū Misi bazneicā i plašu godatiergu, jo reizē Annys dīna ir saimineicu dīna. Tod nūtyka leli godatiergi, kur sasatyka puordevieji ar pierciejim, tok jaunīšu vydū itys datums nūzeimuoja īpasazeišonu.

Itūgod 23. julī svātku apmaklātuojim bieržgalīši pīduovuos plašu programu. Annys dīnys aktivitatis suoksīs nu 8.00 stuņžu, kod jau byus sabraukuši tierguotuoji. Tiergs turpynuosīs vysys dīnys garumā. Pyrma dīvakolpuojuma bazneicā, jau nu 9.00 stuņžu bazneicys duorzā varēs apsavērt Preiļu muokslinīka Juoņa Plivdys gleznu izstuodi, bet 9.30 byus vareiba klauseitīs koncertu ”Ērģeļu skaņās”, kurā dzierdēs Rēzeknis nūvoda vokaluos studejis “Skonai” dzīduotuoju skaneigūs bolsus. 10.00 stuņdēs sekuos Annys dīnys svātku dīvakolpuojums bazneicā. Tuo laikā kupls puļceņš jaunīšu pījims Pyrmū Svātū Komuneju i papyldynuos svātku proceseju.  

Piec dīvakolpuojuma svātku programa turpynuosīs pi kulturys noma. Apmaklātuojus prīcynuos grupa “Ziņģes brāļi” nu Bauskys pusis, kuruos pavadejumā varēs izlūceit kuojis ļusteigūs daņčūs. Storplaikā uzastuos Roisys apgobola (Spāneja) muzykys školys audziekni i pasnīdzieji i bieržgalīšim jau zynomais ukraiņu trio ”Star girls”. Mozuokūs apmaklātuojus gaida pīpyušamuos atrakcejis, kai ari leluos duorza spēlis vysai saimei. Nu 11.30 stuņžu varēs dorbuotīs ari rodūšajuos darbneicuos, pīškirūt stykla burceņom ūtru myužu.

Print Friendly, PDF & Email

Kalenders

Jun
15
Sai
all-day Gitys Palmys izstuode “Vilcienu ... @ Roberta Mūka muzejs
Gitys Palmys izstuode “Vilcienu ... @ Roberta Mūka muzejs
Jun 15 all-day
Nu 12. apreļa da 15. juņa Roberta Mūka muzejā Gaļānūs apsaverama muokslineicys Gitys Palmys gleznu izstuode “Vilcienu meitenes stāsts”. Izstuodē apsaveramys i vairuoku godu laika periodā radeituos, i publikai īprīšk naparuodeitys, kai ari pavysam jaunys[...]
10:00 Bruņojīs ar zynuošonom. Informat... @ Rēzekne, Kulturys i atpyutys parks
Bruņojīs ar zynuošonom. Informat... @ Rēzekne, Kulturys i atpyutys parks
Jun 15 @ 10:00 – 15:00
Bruņojīs ar zynuošonom. Informativuo dīna @ Rēzekne, Kulturys i atpyutys parks
Informativuo dīna dzeivuotuojim “Bruņojies ar zināšanām”.