Kulturys īsacejumi nedeļai: atbaļsteit sovejūs, baudeit zīmys prīcys i puorskaiteit kaidu gruomotu

Kulturys īsacejumi nedeļai: atbaļsteit sovejūs, baudeit zīmys prīcys i puorskaiteit kaidu gruomotu

Rokstu sagataveja: portals lakuga.lv

Itūreiz par nedelis kulturys īsacejumim ir pasaryupejs grupys “Bez PVN” basgitarists Valdis Vucāns, kurs aicynoj rast laiku i reizi dīnā nūbolsuot par grupu “Bez PVN”, kab jim byutu vareiba uzastuot Daugovpilī “Muzykaluos bankys” finala šovā, kai ari izbaudeit zīmu aktivi i puorskaiteit kaidu gruomotu.

Nūbolsoj par grupu “Bez PVN”!

Asam tykuši “Muzykaluos Bankys” goda TOP25 ar dzīsmi “Šaļti”, kurā pīsadola arī apburūšuo Diona Liepiņa. Niu vyss, kas tev juodora, ir reizi dīnā da 16. janvara juonūspīž ITE i juonūbolsoj par grupu “Bez PVN”.

Naesi guļova i izmontoj zīmu!

Vysaiduoka veida aktivuo atpyuta zīmā ir lobs veids, kai uzturēt sevi lobā formā! Jau daudzus godus napalikt pīkluojeigi korpulentam zīmā maņ paleidz snovborda dieļs. Breivdīnuos voi dorba dīnu vokorūs bez problemu var daskrīt da Sarkaņkolna voi Egļu kolna, sataiseit termosā čaju un baudeit zīmys prīcys nasteidzeigi. Nav nalobu laika apstuokļu, viņ juopadūmoj par pīmāruotu apgierbu.

Puorsoka golvā

Vokorā, kod mudri satymst, var paskaiteit kaidu gruomotu. Šūbreid munā bibliotekā teik skaiteita Sūzenys Kolinsys gruomotu cykla “Bada spēles” “Balāde par dziedātājputniem un čūskām.” Losuos vīgli, iztiele struodoj breineigi, sižets interesants. Jauneibys laikūs tok beju nūpiercs i puorskaitejs vysys īprīšk izdūtuos treis gruomotys un ruodīs pošsaprūtami izraut cauri arī itū, jū kinu jau ruoda pa ekranim, tok lobuok pyrma tam puorskaiteit gruomotu i vēļreiz izdzeivuot nūtykumim leidza kai Kapitolijā, tai vysūs puorejūs Panemys apgobolūs.


Print Friendly, PDF & Email

Kalenders

Sep
8
Svā
19:00 Latgalīšu dzejis vokors “Myužeig... @ "Noass"
Latgalīšu dzejis vokors “Myužeig... @ "Noass"
Sep 8 @ 19:00 – 20:30
Dažaidu paaudžu dzejnīki, kuri roksta ari prozu (Anna Rancāne vys aplīcynuojuse sevi ari kai dramaturgi), tok dzejis vuords jūs dailradē ir eipašs: smogs, kam vysod cyloj Latgolys viesturis voi ciļviecis eksistencialuos temys, sylts, kam atkluoj[...]
Sep
9
Pyr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Sep 9 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
Sep
10
Ūtr
all-day Fotoizstuode “Piecgarša” @ Lūznovys muiža
Fotoizstuode “Piecgarša” @ Lūznovys muiža
Sep 10 all-day
Kai stuosta “Latgolys etnografiskuos bīdreibys” vadeituoja Iveta Seimanova, tod bīdreibys jaunais projekts – vysaidu Latvejis vītu tautystārpūs apvylkti ļauds, kuri īmyužynuoti kūpā ar jau zynomajom projekta “Lobs ar lobu sasatyka” lelem Latgolys tautystārpūs – ir[...]