Rokstu sagataveja: portals lakuga.lv

Ituo gods 17. augustā Latvejis Republikys Augstuokuos tīsys Senats pījēme lāmumu, ka īsnāgumu, kas tīsā īsnāgts latgalīšu rokstu volūdā nadreikst vīnkuorši nūraideit, tok tys ir juoizskota piec byuteibys. Konkreti ir runa par pārnejuo gods septembra Tukuma nūvoda buoriņtīsys atbiļdi iz latgalīšu rokstu volūdā sagataveitim īsnāgumim, kur tīsa nūruodeja, ka oficialajā saziņā obligati juoizmontoj latvīšu volūda i praseja atkuortuotus īsnāgumus, kas nūformāti latvīšu literarajā volūdā, vystik praseituots atsasacejs īsnēgt dokumentus latvīšu literarajā volūdā, nūruodūt, ka tī ir nūformāti atbylstūši Satversmis i lykuma praseibom i lyudzūt snēgt tīsys atbiļdi piec byuteibys.

Da šam Latvejis tīsu praksē ir dominējuse pīeja, ka oficialajā saziņā i tīsys procesualajūs dokumentūs ir lītojama latvīšu literaruo volūda. Īprīšk, 2009. godā, Augstuokuo tīsa pat beja sacynuojuse, ka Administrativuo procesa lykuma izpratnē latgalīšu rokstu volūdā izveiduots dokuments var tikt skaiteits par dokumentu svešvolūdā. Vystik, kai zynoms, Vaļsts volūdys lykuma 3. panta catūrtuo daļa nūsoka, ka vaļsts nūdrūsynoj latgalīšu rokstu volūdys kai viesturysko latvīšu volūdys paveida saglobuošonu, aizsardzeibu i atteisteibu. Taipoš 2021. godā ir pījimts ari Latvīšu viesturyskūs zemu lykums, kur skaidrai pasaceits, ka latvīšu volūdai ir divejis rokstu volūdys tradicejis. Izīmūt nu ituo, var sacynuot, ka persona ir tīseiga vērstīs instancēs ar dokumentim, kuri sagataveiti latgalīšu rokstu volūdā, kam tei ir vaļsts volūda.

Tikū, 17. augustā, Latvejis Republikys Augstuokuos tīsys Senats rakstveida procesā ir izskatejs Personys A syudzeibu par 2025. gods decembra lāmumu, kur Administrativuo rajona tīsa beja atsacejuse Personys A praseibu daļā par Tukumu nūvoda buoriņtīsys reiceibu – tei nabeja snāguse atbiļdi piec byuteibys iz Personys A īsnāgumim, kuri beja pīraksteiti latgalīšu rokstu volūdā. Persona A gribēja, kab tīsa atzeitu buoriņtīsys reiceibu par prettīsysku i daškiertu atleidzeibu par nūdareitū namaņtiskū kaitiejumu. Ci, skaidrojūt eisuok, Persona A nabeja mīrā, ka Tukuma nūvoda buoriņtīsa piec byuteibys naatbiļdēja iz juo latgalīšu rokstu volūdā īsnāgtajim dokumentim, deļtuo Persona A itū lāmumu puorsyudzēja Augstuokajā tīsā.

Nu suoku Tukuma nūvoda Administrativuo tīsa atsasaceja lītu pylnvierteigai izskateit, sokūt, ka prasejums nav pīteikūši pamatuots, tok niu Senats ar sovu lāmumu nūruodeja, ka administrativū lītu nūraideit kai “acimradzami napamatuotu” var tik tod, ka lītā eistyn nav nūpītnys juridiskys diskusejis. Sovpus, ka vaicuojums ir juridiski sarežgeits i diskutejams, cylvākam ir tīseibys iz pylnvierteigu tīsys procesu.

Ar sovu niulejū lāmumu Senats napasoka, kurai nu īsaisteitajom pusem ir taisneiba. Tok vaicuojums par latgalīšu rokstu volūdys lītuošonu saziņā ar buoriņtīsu ir pīteikami nūpītnys i juridiski diskutejams, kab tīsa tū izskateitu piec byuteibys.

Itys lāmums paredz, ka īsnāgums latgalīšu rokstu volūdā ir skotoms pylnvierteigā tīsys procesā, kur plotuok varēs analizēt lykumus, Satversmi, latgalīšu rokstu volūdys statusu i konkretuos lītys apstuokļus. Vystik itys lāmums ir vārsts iz konkretū gadīni, kas nanūzeimej, ka Augstuokuo tīsa niu lykuse sevkurai vaļsts ci pošvaļdeibys īstuodei iz īsnāgumu latgalīšu rokstu volūdā obligati atsaceit taidā pošā veidā.

Vaicuojumu par latgalīšu rokstu volūdys lītuojumu oficialajā dokumentacejā komentej Vaļsts volūdys centra direktore Inese Muhka: “Lobys puorvaļdeibys princips paradz, ka dokumentus latgalīšu rokstu volūdā byutu juopījam, i tū apstyprynoj ari itys tīsys lāmums. Problema varātu byut regionūs, kur latgalīšu volūda nateik plotai lītuota, vystik ari itymūs gadīņūs tys ir rysynojams vaicuojums. Prūti, tīsa var lyugt papyldus īsnēgt dokumentaceju ari latvīšu literarajā volūdā, pīsaistūt kaidu nu darbinīkim, kas puorzynoj latgalīšu volūdu, ci lyugt Vaļsts volūdys centram puorlikt īsnāgumus nu latgalīšu rokstu volūdys iz latvīšu literarū volūdu. Vīnlaikus ir juopīmiņ, ka mums ir latvīšu literaruo volūda, kas kolpoj kai vīnojūšs normativais pamats. Tys napastota latvīšu literarū volūdu pret latgalīšu volūdu. Vystik tīsvedeibys dokumentaceja byutu juonūdrūsynoj latvīšu literarajā volūdā, kab tū spātu uztvert i izprast sevkurs procesa dalinīks. Skaitu, ka izpratne, koč i palānam, vystik veidojās, mes kai sabīdreiba augam i ir byutiski rast jāgpylnus kompromisus.”