Nikur nav tik labi kai sovā sātā. Vystik Spreideišam juoiztur vairuoki puorbaudejumi, lai saprostu sātys syltuma vierteibu. Bāgdams nu apniceigu dorbu pīnuokumu i borguos pamuotis ruojīņu, Spreideits laižās pasaulī meklēt sovu Laimis zemi. Ceļā jis sateik Meža muoti i Vieja muoti, spākojās ai miļzi Lutausi i nagodnū Seikstuļi i pīveic pošu Nalobū. Daudz kū pīredziejs, Spreideits saprūt, ka sirdi nasylda ni apsūleituo boguoteiba, ni īspieja tikt par znūtu pošam Kieneņam – eista laime ir tik dzymtajā sātā kūpā ar tyvinīkim.