Rokstu sagataveja: portals lakuga.lv

Kulturys īsacejumus itai nedeļai sagatavejuse zeimyna “Mes zynom” veiduotuoja i restorana “We Know” saimineica Ineta Lontone. Jei īsoka laistīs pastaigā pa Preiļu muižys parku, napalaist garum Storptautyskū teatra festivalu “Soli pa solim” Rēzeknē, kai ari baudeit latgaliskys garšys jaunā izpiļdejumā Inetys restoranā.

Preiļu muižys parks

Ka atvosora prīcynoj ar skaistu laiku, īsoku izaraut pi dobys i izstaiguot Preiļu muižys parku. Kasdīnā tam bīži viņ naatlīk laika, partū septembris ir eistuo šaļts tū beidzūt izdareit.

Storptautyskais teatra festivals “Soli pa solim” Rēzeknē

Festivala programā ir desmit izruodis, partū kotrys var atrast nazkū sovai gaumei. Maņ pošai itūreiz gribīs kuo jautra – izalaseitu itāļu teatra komedeju “Trīs nabadziņi” voi Kauguru teatra komedeju “Ministrienes kundze”.

Latgaliskuos garšys jaunuos skaņuos

Ūtardiņ riezeknīšus aicynoju iz treis kuortu puorsteiguma vakareņom restoranā “Mes zynom” (“We Know”), kab izbaudeitu latgaliskuos garšys jaunuos skaņuos. Jaunuo iedīņkarte ir latgalīšu volūdā, i iedīņus papyldynoj miniaturi stuosti nu munys bierneibys – par pīredzem, kas veiduojušys munu kaisleibu pret iedīni i gataveišonu.