Reemigracejis realuos īspiejis i ituos šaļts problemys /Pi myusim Latgolā!

Reemigracejis realuos īspiejis i ituos šaļts problemys /Pi myusim Latgolā!
Vīna nu leluokajom problemom na viņ Latgolā, nu vysā vaļstī ir īdzeivuotuoju aizbraukšana iz uorzemem i vaļdeibys izsuoktajai iniciativai aizbrauciejus atsagrīzt atpakaļ iz dzimtini – tys ituos reizis raidejuma cykla „Pi myusim Latgolā!” raidejumā.

Raidejumā teik izvaicuoti na viņ uorzemēs dzeivojūšī latvīši, nu ari tī, kas atsagrīzuši. Sovu redzīni par tū, kas vaļdeibai byutu doroms cylvāku nūturiešonai sovā vaļstī, pauss ari vairuoki uorzemēs dzymušī reemigranti. Skaidrojums, par Ekonomikys ministrejis sataiseituos dorba grupys izstruoduotuojim i sabīdryskajai apsprīšonai nūdūajim prīkšlykumim reemigracejis planam, tiks vaicuots ekonomikys ministra padūmneicai Ilonai Platonovai. Nu par tū, ar kaidom problemom sasaskar i kai tys rysynoj Daugovpiļs nūvodā, raidejumā stuosteis Daugovpiļs nūvoda prīšksādātuoja Janina Jalinska. Nu Eiropys Parlamenta deputats Krišjānis Kariņš pastuosteis par cytu raudziešonu jaunīšus īinteresēt napamest Latveju.

Raidejumu cykls „Pi myusim Latgolā!” teik taiseits Nacionaluos Elektroniskūs plašsazinis leidzekļu padūmis reikuotuo konkursa „Par raidejumu taiseišonu regionalajūs i vītejūs elektreoniskajūs plašsazinis leidzekļūs, kas raida radeju programys, Latgolys regionā” ītvorūs.

Raidejumu cyklu taisa producentu grupa SIA „Lietišķā Latgale”, pīaicynojūt vītejūs žurnālistus, i da ituo goda beigu planavuots sataiseit ostiņus raidejumus par Latgolys regionā aktualom i nūzeimeigom temom kai administratīvi teritorialuo reforma i tuos ītekme iz īdzeivuotuoju kasdīnu, latgalīšu volūdys aktualizaceja, tautīšu reintegraceja i cytys.

Raidejums „Pi myusu Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lvlatgale.lv i i-rezekne.lv.

Karteņā – Janina Jalinska, foto LETA

Print Friendly, PDF & Email

Kalenders

Apr
27
Sai
all-day “Satiec savu meistaru!” @ Latgola
“Satiec savu meistaru!” @ Latgola
Apr 27 – Apr 28 all-day
Tradicionalais pasuokums “Satiec savu meistaru!” itūgod byus vysa apreļa garumā i kotru nedeļgolu aicynuos interesentus iz kaidu nu latvīšu viesturiskajom zemem i Reigu izzynuot myusu namaterialū kulturys montuojumu meistarklasēs, praktiskuos nūdarbeibuos i lekcejuos, informej Latvejis[...]
10:00 “Vuolyudzāni” i latgalīšu rokstu... @ Rēzeknis Vaļsts gimnazeja
“Vuolyudzāni” i latgalīšu rokstu... @ Rēzeknis Vaļsts gimnazeja
Apr 27 @ 10:00 – 14:00
27. aprelī, Latgolys kongresa dīnā, Rēzeknis Vaļsts 1. gimnazejā (Dziernovu īlā 3a) nūtiks 24. skotuvis runys konkurss “Vuolyudzāni” i 23. atkluotuo latgalīšu rokstu volūdys i kulturviesturis olimpiade, informej Latgalīšu volūdys, literaturys i kulturviesturis školuotuoju asociacejis vadeituoja[...]
14:00 Dirigentis Andys Lipskys jubilej... @ Latgolys viestnīceiba "Gors"
Dirigentis Andys Lipskys jubilej... @ Latgolys viestnīceiba "Gors"
Apr 27 @ 14:00 – 15:15
Jau gondreiž 40 godu kordirigente Anda Lipska struodoj sovā profesejā. Dzīd. I īdrūsynoj dzīduot cytim. Ka kaids īrūsynoj, aizsuoc i mes dzīdim leidza, saīt dzīduošona voi varbyut dzīdynuošona? Nu rauduošonys aicynuojuma saīt raudynuošona, nu doncuošonys[...]