Catūrtdiņ sovu pyrmizruodi pīdzeivuoja dokumentaluo kina “Latgale. Trīs stāsti”, kura veiduota piec Vidis aizsardzeibys i regionaluos atteisteibys ministrejis i Latgolys planavuošonys regiona pasyutejuma.

Kinys veiduotuoji – žurnalisti Sandijs Semjonovs, Gundars Rēders i Dīvs Reiznieks – paguojušuo goda vosorā devēs iz Latgolu, lai izzynuotu regiona īspiejis, satyktu uzjiemeigus latgalīšus, kuri atteistejuši sovu biznesu, i īpazeitu Latgolys kulturu, volūdu i cylvākus.

Kai LaKuGai atzyna vairuoki skateituoji, kina ir īdvesmojūša, līk puordūmuot sovus nuokūtnis planus i apsvērt īspiejis atsagrīzt Latgolā. Kinys veiduotuojim ir īsadevs izavaireit nu stereotipiskuo skatejuma iz Latgolu i paruodeit regiona īspiejis i cereibys. Kinā ir vairuokys humoristiskys detalis, kas tū padora skateituojam tyvuoku i realistiskuoku.

Kinys daudzī stuosti kuortejū reizi aplīcynoj latgalīšu uzjiemeibu, dorba sporu i rodūšumu.

Plašuokai publikai kina „Latgale. Trīs stāsti” byus pīejama pavasarī, kod tei tiks demonstrāta Latvejis Televizejā.

Galerejā īskots pasuokumā

Kartenis: LaKuGys arhivs
Ziņu sagataveja: LaKuGa