Pi myusim Latgolā! – 19.04.2013.
Pīduovojam nūsaklauseit producentu grupys SIA „Lietišķā Latgale” taiseitū raidejumu „Pi myusim Latgolā!”.
Itūnedeļ raidejumā:
- Tiks nūskaidruota kaida Latgolys regiona pogosta suope, kur nu vysim celim pogostā nūasfaltāti vin napylni 3 km, bet blokus asūšais vaļsts nūzeimis ceļš A 12 regulari teik izdonguots ar smogū transportu, kas patstuoveigi kursej iz Krīveju;
- Tiks aizbraukts iz Eiropys rūbežu, lai maklātu, kur Latgolā ir seņ lūluotais Eiropys leimeņa uotrsatiksmis ceļš iz Krīveju i ar kaidom problemom juosastūp tuo tyvumā dzeivojūšajim;
- Rēzeknis nūvoda Kulturys nūdalis vadeituoja Ināra Pleikšne stuosteis, kas interesants paradzāts Latgolys pūdnīku dīnuos 2013.
Raidejums tūp NEPLP reikuotuo konkursa “Par raidījumu veidošanu 2013. gadā Latgales reģionālajos un vietējos plašsaziņas līdzekļos, kas raida radio programmas” gaitā.
Raidejums „Pi myusim Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lv, latgale.lv i i-rezekne.lv.
