Turpynojūt tradicejis, ari itūgod 13. julī Nagļūs tiks svieteitys Zvejnīkdīnys sportiskā gaisūtnē. Svātki suoksīs agri – jau 6 stuņdēs pi Nagļu iudiņa kruotuvis slūžom ar mokšeriešonys saceņseibom. Nu 8:00 leidz 10:50 varēs pīsadaleit dažaiduos saceņseibuos iz iudiņa. Nagļu Zvejnīkdīnu sporta svātki tiks atkluoti 11 stuņdēs Nagļu pogosta sporta laukumā, piec tam byus saceņseibys sporta laukumā i skverā pretim sporta laukumam. Pasuokuma dalinīkus nu 16:00 leidz 17:00 svātku koncertā ar sovim prīšknasumim prīcynuos Nagļu i Gaigalovys pogostu pošdarbnīki. Sovukuort dīnys nūslāgumā varēs izlūceit kuojis zaļumbalā sporta laukumā.

Seikuok ar saceņseibu disciplinom var īsapazeit Zvejnīkdīnu sporta svātku „Nagļi – 2013” nūlykumā.

Karteņa: Zveknīkdīnys 2011. godā, rezeknesnovads.lv
Ziņu sagataveja: LaKuGa piec pasuokuma organizatoru materialim