Pavysam naseņ dīnys gaismu īraudzejuse Annys Rancānis gruomota „Divpadsmit Latgales loki kopā ar Annu Rancāni”.

Dzejneica i publiciste Anna Rancāne, gondreiž desmit godus sasadorbojūt ar ceļuojumu agenturu „Impro” Latgolys braucīņu organiziešonā i struodojūt par gazetys „Diena” regionalū korespondenti nu 2001. leidz 2011. godam, īpazynuse teju voi kotru sova dzymtuo nūvoda styureiti i satykuse daudz interesantu cylvāku. Dažaiduos Latgolys vītuos izjustū, pīdzeivuotū i radzātū jei apkūpuojuse gruomotā, kura aicynoj laseituojus dūtīs aizraujūšā ceļuojumā pa 12 Latgolys lūkim – apmeklēt dažaidus apskatis objektus, prīcuotīs par jaukom dobys ainovom i sastapt koloritys personeibys. Itamā ceļuojumā Anna Rancāne myusim paruoda sovu Latgolu – taidu, kas jai pazeistama, tyva i meila.

Par sovu gruomotu autore soka: „Uzskotit tūs par Latgolys stuostim, kuri papyldynoj pīdzeivuojumu aprokstu, pīdzeivuojumu, iz kaidu es parosti aicynu turistus, – vērtīs, izjust, izbaudiet itū vosorys dīnu, kas vaira nikod naatsakuortuos, izjust reizem tū nacylū, reizem izaicynūši kruošņū, nadaudz svešatneigū, bet tymā pošā laikā tik cīši latviskū Latgolys skaistumu. Nu – kas ir akmini bez cylvākim, tokys bez guojiejim, pučis bez mīlesteibys? Pots svareiguokais itamūs Latgolys lūkūs ir tymūs sastoptī cylvāki i jūs liktiņu pīroksti.”

Ziņu sagataveja: LaKuGa piec „Zvaigzne ABC” informacejis