Latgalīšu literaturys stends Baltejis Gruomotu svātkūs ari itymā godā

Latgalīšu literaturys stends Baltejis Gruomotu svātkūs ari itymā godā
Nu 28. februara da 2. martam bīdreiba „Latgolys Studentu centrs” aicynoj vysus interesentus apmeklēt latgalīšu literaturys stendu storptautyskajā gruomotu i izdevnīceibu izstuodē „Baltijas Grāmatu svētki 2014” izstuožu centrā Kīpsolā. Byus īspieja īsaguoduot gruomotys latgaliski i par Latgolu, latgalīšu video īrokstus i dažaidus suvenirus.

Bīdreiba „Latgolys Studentu centrs” pīduovoj plašuokū gruomotu kluostu latgaliski i par Latgolu vīnā vītā. Pīduovuojumā ītylpst gruomotys, kas izdūtys pyrms vairuoku godu i cytur nav pīejamys, kai ari vysai naseņ izdūti dorbi, pīmāram, gruomota par Francisku Varslavānu, dažaidu fotografu apkūpuotais fotografeju kruojums „Latgale” i tt. Puordūšonā ari žurnals „A12”, dažaidi suveniri ar Latgolys simboliku i latgalīšu muziķu audio īroksti.

„Latgolys Studentu centrs” ar sovu gruomotu stendu pīsadola dažaidūs gruomotu svātkūs vysā Latvejā, kai ari izplota gruomotys sovūs birojūs Reigā i Daugovpilī. Jis sasadorboj ar gruomotu autorim i izdeviejim, deļtuo pīduovoj gruomotys, kurys cytur navar nūpierkt.

Storptautyskuo gruomotu i izdevnīceibu izstuode „Baltijas Grāmatu svētki 2014”, Storptautyskyjā izstuožu centrā Kīpsolā nūtiks nu 28. februara da 2. martam. Dorba laiks pīktdīnē i sastdīnē byus nu 10:00 da18:00 stuņžu, svātdīnē — nu 10:00 da 17:00 stuņžu.

Sagataveja: Agita Vigupe

Kontaktinformaceja: reiga@lgsc.lv

Print Friendly, PDF & Email

Kalenders

May
3
Pīk
17:00 Koncertizvadums “Dūd rūku, mameņ!” @ Daugovpiļs Kulturys piļs
Koncertizvadums “Dūd rūku, mameņ!” @ Daugovpiļs Kulturys piļs
May 3 @ 17:00 – 19:00
Izvadumā pīsadaleis Reigys kulturys i tautys muokslys centra „Mazā ģilde” deju ansamblis „Daiļrade” (vad. Iveta Pētersone-Lazdāne), Daugovpiļs Vīneibys noma Latvīšu i latgalīšu kulturys centra deju ansamblis „Laismeņa” i videjuos paaudzis deju kolektivs „Laismeņa” (vad. Diāna[...]