12. novembrī 11.00 Rēzeknē, Juoņa Ivanova Rēzeknis Muzykys vydsškolā nūtiks Rēzeknis Augstškolys lektoris Valdys Čakšys gruomotys “Tautas konservatorijas Latgales kultūrvidē (1923 – 1941)” prezentacejis svātki.

Gruomotys tapšonā autore ir īguļdejuse vaira kai 20 godu, i suokumā itys dorbs tyka veiduots kai disertaceja. Gruomota ir boguota ar dažaidim attālim, dokumentim, intervejom, atmiņu stuostim, tamā teik atkluoti daudzi da šam vēļ nazynomi fakti.

Gruomotys izdūšonu finansiali atbaļsteja Juo Ekselence Rēzeknis-Aglyunys diecezis veiskups Juoņs Buļs.

Vierteigais izdavums tiks duovuots muzykys školom, bibliotekom, augstuokuos izgleiteibys īstuodem, muzejim. Vysi teik laipni aicynuoti iz gruomotys prezentacejis svātkim!