Dzygu konkurss-koncerts “Karaliskais strods” Feimaņūs
3. martā 18:00 Rēzeknis nūvoda Feimaņu kulturys nomā vīnpadsmit tautiskūs dzygu kolektivi nu Latgolys i cytom Latvejis vītom puļcēsīs iz konkursu-koncertu, kur sasaceņss par dzygu kausu „Karaliskais strods” (Karaliskais strazds).
Kab dabuotu uzvarātuoja kausu, doncuotuojim byus juosasacenš erudicejis kaitā, kur juoparuoda sovys zynuošonys dažaiduos dzygys atzarēs (klasiskuo, latvīšu, cyttautu, viesturiskuo dzyga, dzygys terapeja i viesture). Kotrs kolektivs byus ari sagataviejs eisu uzvadumu par temu „Kai Karaliskais strods vuicejuos doncuot…”.
Skateituojim byus īspieja vāruot vysu kolektivu snīgumu – tiks izdoncuotys divdesmit divejis dzygys i skateituoji varēs bolsuot par sovu simpateju kolektivu vydā.
Koncertā pīsadaleis i par dzygu kausu sasaceņss:
Feimaņu Kulturys noma jaunīšu dzygu kolektivs „Vīmyns”
Rēzeknis nūvoda Lendžu pogosta jaunīšu dzygu kolektivs „Ūdzeņa”
Ludzys piļsātys gimnazejis jaunīšu dzygu kolektivs „Žiks”
Kuorsovys nūvoda Saļnovys KN jaunīšu dzygu kolektivs „Salnaviņa”
Īcavys Kulturys noma jaunīšu dzygu kolektivs „Jezga”
Dagdys Tautys noma Tautys dzygu ansamblis „Dagda”
Krystapiļs Kulturys noma jaunīšu dzygu kolektivs „Delveri”
Aglyunys vydsškolys jaunīšu dzygu kolektivs
Bolvu Vaļsts gimnazejis jaunīšu dzygu kolektivs „Purenīte”
Rēzeknis nūvoda Drycanu kulturys noma jaunīšu dzygu kolektivs „Jumalēni”
Salaspiļs nūvoda kulturys noma “Rīgava” jaunīšu dzygu kolektivs „Ūsiņš”
