Izdūta nūvodpietnīka Juoņa Būmaņa gruomota “Pretošanās kustība dienvidaustrumu Latvijā 1944.- 1956.”

Tys ir autora 10 godu pietejums arhivūs i ekspedicejuos par nacionalajim partizanim i cytim pretuošonuos, napasakļaušonys veidim pieckara okupātajā Latvejā – Latgolys teritorejā.

Gruomotys autors J. Būmanis nav profesionals viesturnīks, nu zynoms nūvodpietnīks, kurs sarakstejs vairuokys gruomotys par sova dzymtuo Latgolys nūvoda – Rudzātu apleicīni – etnografeju, religeju, školom i rodurokstim (“766. Rudzētu mazpulks”, “Rudzētu pagasta skolas laikmetu griežos”, “Tēvzemes sargi”, “Rudzātu pagasta reliģiskā dzīve”, “Gaismas pils Malnava” i cytys). Itūšaļt autors struodoj pi dorba par Būmaņu dzymtu 300 godu garumā, kas tiks izdūta tikai 10 eksemplarūs i paradzāta tyvuokajim radinīkim.

Ituos gruomotys vaira nakai 500 puslopys īkļaun koncentrātu dokumentalū informaceju nu arhivu, daudz foto materiala, tabulys i īsaisteitūs personu sarokstus. Autors, kurs dzims 1928. godā, ir nūtikšonu oculīcinīks, tamuos bejs ari īsaisteits.