LaKuGa jau viesteja, ka izdūts folklorys kūpys “Upīte” pyrmais albums “Vusi ļauds breinovuos”, kurymā vydā ir 14 Zīmeļlatgolys (Škilbānu pogosta) tradicionalūs dzīšmu i vīnys dzīsmis myusu dīnu verseja. Vysupyrma albums tyka īskandynuots Reigā, nu 7. novembrī leluoks pasuokums paradzāts Upeitē.

Albuma “Vusi ļauds breinovuos” attaiseišonys svātki nūtiks 7. novembrī 19.00 Upeitis tautys nomā. Ar pasuokuma vaininīkim kūpā byus ari Upeitis etnografiskais ansamblis, Škilbānu etnografiskais ansamblis, folklorys kūpa “Rekovas dzintars”, folklorys kūpa “Gara taka”, grupa “Unknown Artist” i Guntis Rasims.

Aktivuokajim apmaklātuojim byušūt vareiba ari tikt pi jaunuo albuma.

Piec pasuokuma nūtiks ari bals ar dzīdūšū Igauņu saimi.

Īīšona pasuokumā i balā – ar gastiņci.