Kruoslovys viesturis i muokslys muzejā apsaverama riezeknīša Pāvela Ostapceva gleznu izstuode “Siltās atmiņas”.

Grafiks i gleznuotuojs Pāvels Ostapcevs dzims Rēzeknē 1958. godā. 1975. godā īsastuojs K. Savicka Penzys Muokslys školā Krīvejā, piec kurys veiksmeigys pabeigšonys atsagrīzs dzymtajā Rēzeknē. 1984. godā izjimts Muokslinīku savīneibys Jaunūs muokslinīku apvīneibā. Nu tuo laika regulari pīsadola izstuodēs i Latvejā, i uorvaļstīs.

Pāvels Ostapcevs regulari pīsadalejs vysaiduos muokslys izstuodēs i Latgolā, i cytur. Muokslinīka dorbi atrūnami i Latgolys Kulturviesturis muzeja kolekcejā i Rēzeknis Muokslys nomā, i privatkolekcejuos na viņ Latvejā, nu ari Lītovā, Pūlejā, Vuocejā, Krīvejā, Norvegejā, Anglejā, Australejā, Izraelā, Kanadā.

Muokslinīkam ir tyva doba rudinī, reita mygla, pādejūs saulis spaitu apspeidātī kūki i sātu jumti. Paraleli peizažu i klusuos dobys dorbim, naiztryukstūši ir ari portreti. Juo grafikys dorbi apbur ar sovu filigranū snīgumu i ryupeigi izstruoduotū kompoziceju, kurymā kotra līta i prīškmats teik pi sova rakstura i izteiksmis.