3. martā 19.00 “Birojnīcā” (Berga bazarā) nūtiks pasuokums “Jāņa Ivanova pēdas latviešu mūzikā” – stuostejumi, sarunys i muzykalys pauzis.

2016. gods ir boguots ar vairuoku latvīšu komponistu jubilejim, i jūs vydā ir ari šudiņ napeļneitai moz dzierdātais Juoņs Ivanovs (1906–1983). Formali jau juo pīmiņa ir īmyužynuota: Latgolā komponista vuordu nas Rēzeknis Muzykys vydsškola, Babrūs pastateits pīminis akmiņs, jau 1984. godā nūdybynuota Juoņa Ivanova premeja i 2006. godā atkluots ari privats muzejs, nu golvonais juo ražeiguos dzeivis davums – simfoniskūs partituru, vokalūs i instrumentalūs dorbu skaņu roksti Latvejis koncertdzeivē īsaskaņ pavysam reši, partū vairuokom klauseituoju paaudzem ir nazynomi.

Taišni partū Latvejis Komponistu savīneiba pīduovoj drupeit pīsatyvynuot Juoņa Ivanova personeibai i muzykai. Dyžanū simfoniki īraudzeit nu jauna i juo davumu myusu dīnu redziejumā izviertēt paleidzēs komponisti Jurs Karlsons i Imants Zemzaris, muzykys viesturnīks Arnolds Kluotiņš, muzikologe i Latvejis Televizejis Kulturys raidejumu redakcejis vadeituoja Īva Rozentāle i dzīduotuoja Īva Parša. Sareikuojumu boguotynuos dokumentali kinu kadri i muzyka. Tū vadeis muzikologe Inese Žune.

Skaiteit vaira par Juoni Ivanovu