Latvejis Republikys Saeima 2014. goda 19. junī izdareja Latvejis Republikys Satversmē grūzejumus, izsokūt Satversmis preambulu jaunā redakcejā – aizstuojūt da šam asūšū īvodu (“Latvejis tauta sovā breivi vālātā Satversmis sapuļcē ir nūlāmuse sev itaidu vaļsts Satversmi”) ar plašuoku tekstu, kurymā izkluosteitys Latvejis vaļsts konstitucionaluos vierteibys i kurs veidoj Satversmis pamatu. Nu Satversmis īvoda ari izrīt konkreti vaļsts pīnuokumi, kurī juoeistynoj ar konkretu vaļsts politiku.

Satversmis īvods, leidzeigai kai 2012. godā izdūtais Latvejis Republikys Satversmis jubileja izdavums, izdūts deveņuos volūduos: latvīšu, latgalīšu rokstu, lībīšu, fraņču, angļu, vuocu, igauņu, lītaunīku i krīvu volūdā.

Brošuru var īsaguoduot i komplektā ar Satversmis jubileja izdavumu, i atseviški.