Kai ītrīkt bumbu grūzā nu augšys, par tū “Kolnasātā” intervejā Dacei Dambei stuosta basketbolists Renārs Bulduris. Rēzeknis Tehnologeju akademejis/Vaļsts Rūbežsardzis koledžys komandys dalinīks atzeits par 2015./2016. goda sezonys vierteiguokū spālātuoju Studentu basketbola leigā. Bīži juo vuords dzierdāts tai sauktajuos slam dunk saceņseibuos, kur pīsadola sportisti, kurī liecīnī svīž basketbola bumbu grūzā nu augšys.

Vuordineicā Arņs Slobožanins i Valentins Lukaševičs runoj par okulerim i styklačim, taipat teik skaidruots, kur palykušys Leivuona nūvodā pastateituos ceļazeimis, kuruos vītvuordu nūsaukumi beja raksteiti latgalīšu volūdā. Naoficialajā Latgolys zeimu tolkā entuziasti Rudzātu pogostā izlyka ceļazeimis, nasaskaņojūt tū ar nūvoda dūmi. Niu zeimis ir nūjimtys. Raidejums sasazynoj ar uzjiemieju Aināru Puduli, kurs pīsadaleja ceļazeimu tolkā, taipat ari ar Aināru Skromānu – Leivuona nūvoda byuvvaļdis byuviņženeri.