Itymā nedelis nūgalē, 11., 12. i 13. majā, nūtiks ituo goda trešais fonda “1836” guojīņs nu Zylupis leidz Leidumnīkim. Fonds “1836” par gūdu Latvejis symtgadei, veidoj turisma maršrutu apkuort Latvejis rūbežam, tuo garums 1836 km.

Pīktdīnis vokorā Muorys ceļa guojiejus vīsmīleigi uzjims Zylupis nūvods, pīduovojūt interesentim izbaudeit Latgolys pierts ritualus i dūtīs nakts ekskursejā pa Zylupi. Guojīņs suoksīs sastdīņ, kur ceļš 27 km garumā vess nu Zylupis leidz Cyblai. Ūtrajā guojīna dīnā planavuots nūīt 20 km leidz Leidumnīkim. Guojīna nūslāgumā 18.36 stuņdēs Leidumnīku estradē izskanēs fonda “1836” i draugu koncerts.

Organizatori atguodynoj, ka guojīna dalinīkim leidza juobyut personu aplīcynūšam dokumentam (pasei ci eID).

Obu dīnu guojīna karte ej.uz/cibla_karte.

Interesentim sovu daleibu juoapstyprynoj, aizpyldūt anketu ej.uz/cibla_anketa.

Vaira informacejis par maršrutu, nakšņuošonu, ādynuošonu i cytom dzelom var atrast feisbukā.