Rokstu sagataveja: portals lakuga.lv

Vīns nu zynamuokūs latgalīšu rakstnīku i dzejnīku ir Juoņs Klīdziejs, juo spolvai pīder romans “Cilvēka bērns”, kas vāluok īmyužunuots kinā. J. Klīdziejs ir dzims 1914. godā Kantinīku pogosta Liužys sādžā, vuicejīs Rēzeknis komercškolā i Latvejis Universitatis Lauksaimnīceibys fakultatē. Pyrmais Klīdzieja dzejūļs „Vēsture” publicāts žurnalā „Sauleite” 1931. godā, nu pyrmū romanu „Jaunīši” Klīdziejs publiciejs 1939. godā.

Kara godūs Juoņs Klīdziejs emigrieja iz Vuoceju, nu tuos 1950. goda tuoļuok iz ASV, kur piečuok Kalifornejis Universitatē īgivs magistra gradu kliniskajā sociologejā.

Dzeivis laikā Klīdziejs izdevs 24 gruomotys, bejs Rakstnīku savīneibys bīdrs i Latvejis Zynuotņu akademejis gūda lūceklis. Par sovim dorbim sajiems dažaidu kulturys fondu premejis i bolvys. Pīduovojam 10 Juoņa Klīdzieja atzinis par dzeivi, kas atrūnamys juo gruomotuos.