Rokstu sagataveja: portals lakuga.lv

Aņšam Ataolam Bierzeņam, muzykantam i dzīšmu autoram, izguojuse jauna autordzīsme – “Vēļ vīna dīneņa”. Jis viestej, ka taidys niu izīs regulari, jo A.A.Bierzeņš gatavej jaunu albumu.

“Vēļ vīna dīneņa” asūt vīneiguo dzīsme, kuru Bierzeņš sarakstejs bez muzykys instrumenta, partū ka jū radeja, byudams Čehejis cītumā, kur beja īslūdzeits par daleibu 2009. gods 13. janvara namīrūs Vacreigā i tam sekojūšūos nūsaceituos struopis probacejis nūsacejumu napiļdeišonu, kū pats skaiteja par politiskom represejom. Dzīsmi jis dzīduojs pa atdareitu lūgu pogolma vierzīnī, vāluok aizrakstejs notys iz papeira lopys, kuru, īlics kuverī, pa postu aizsyuteja radinīkim.

Pyrmū raizi publiskai dzīsme izskanēja 2020. gods festivalā “Muzykys skrytuļs” Sutru klubā. Niu jei īdzīduota i aizraksteita muzyku, tymā skaitā i garmanis, pavadejumā. Araņžiejums interesants i ar tū, ka ite cikom kas vīneiguo dzīsme, kurys instrumentalajūs kupletūs autors izšviļpoj melodeju.

Dzīsmis vuordi atrūnami A.A.Bierzeņa sātys lopā: ansis.lv