Rokstu sagataveja: portals lakuga.lv

Itūreiz ar sovim īsacejumim doluos jauno dzīduotuoja Laura Svikša, kura ir ari vīna nu vokaluos studejis “Skonai” dalineicu, itūšaļt vuicuos džeza vokalu Juoņa Ivanova Muzykys vydsškolys Džeza nūdaļā Rēzeknē, roksta i izpylda dzīsmis latgaliski i aktivi uzastuoj pasuokumūs.

Koncerts “Skatuve jaunajiem” Latgolys viestnīceibā “Gors” Rēzeknē

Rēzeknis Juoņa Ivanova Muzykys vydsškolā jau pīktū godu pastuov džeza muzykys nūdaļa, i džeza muzyka Latgolā palīk arviņ īmīļuotuoka. Jau ūtrū godu piec kuortys nūdalis absolventi snādz koncertu iz Latgolys viestnīceibys “Gors” skotivis Rēzeknē. 12. junī 12 stuņdēs dīnā vysi džeza i na tik meiļuotuoji ir laipni gaideiti, kab baudeit studentu snāgumu i atbaļsteitu jūs ar sovu byušonu kluotyn.

Paēst gordū “Ausmeņa kebabu” i svieteit svātkus kūpā!

Itymā godā opolu desmit godu jubileju svietej “Ausmeņa kebabs” Rēzeknē, kas ir vīna nu īmīļuotuokūs vītu Rēzeknē, kur aizīt na tik paēst gorduokūs kebabus pasaulī. “Ausmeņa kebabā” aktivi nūteik ari vysaidi pasuokumi. Vīns nu tūs – 17. junī “Ausmeņa kebabā” nūtiks jubilejis svineibys, īskandynojūt tū ar muzyku, sarunom, gordim iedīnim i dzierīnim. Kur nu vēļ lobuok i latgaliskuok pavadeit nedeļgolu!

Radeit saulgrīžu svātku sajiutu Ludzā!

Ludzā, kas ir vacuokuo Latvejis piļsāta, jau par tradiceju palics Lelais latgaļu tiergs, kur itymā godā 17. junī puļcēsīs omotu meistari, kab snāgtu vierteigys meistarklasis i daleitūs pīredzē. Vysys dīnys garumā nūtiks tierguošuonuos, kai ari vītejūs kolektivu, kai “Ilža”, “Dziga” i cytu muokslinīku koncerti. Ka gribi nūgiut latgaliskū sajiutu, tod tev nūteikti juosadūd iz Lelū latgaļu tiergu i juonūpierk kaids suvenirs voi cīnasts saulgrīžu svātku goldam voi juosataisa kaida līta rodūšajuos meistardarbneicuos!