Rokstu sagataveja: portals lakuga.lv

28. septembrī Daugovpilī nūtiks regionaluo konference “Latgales grāmatnieku un literātu devums Latvijas grāmatniecībā”, kas ir daļa nu projekta “Ceļā uz “Latviešu grāmatai 500″ Latvijas reģionos: izdevējdarbība un tekstu izplatība senāk un tagad”, viestej Latgolys Centraluos bibliotekys sātyslopā publicātuo informaceja.

Konferencē paradzāti prīšklasejumi par gruomatnīceibys atteisteibu Latgolā 19. i 20. godu symtā. Viesturnīks i muziks Arņs Slobožanins īpazeistynuos ar latgalīšu dzīsminīka, literata i gruomatnīka Andryva Jūrdža davumu Latgolys gruomatnīceibys atteisteibā. Literaturzynuotnīks i rakstnīks Valentins Lukaševičs snēgs īskotu gruomotu izdevieja i tierguotuoja Vincenta Gaudzis profesionalajā darbeibā Daugovpilī 20. godu symta suokuos. Ar gruomotu izdevieja Vladislava Luoča īguļdejumu gruomatnīceibā i juo pīminis īmyužynuošonu konferencis daleibnīkus īpazeistynuos Daugovpiļs Universitatis asociātais profesors, Humanitarūs i socialūs zynuotņu instituta regionalūs studeju centra “Latgolys pietnīceibys instituts” vadeituojs Henrihs Soms.

Konferencē ar prīšlasejumim uzastuos ari Latvejis Nacionaluos bibliotekys vodūšais pietnīks, viesturis doktors Mārtiņš Mintaurs i viesturneica, Latvejis Nacionaluos bibliotekys Letonikys i Baļtejis centra vadeituoja Kristīne Zaļuma.

Konference nūtiks Daugovpiļs Universitatis Dzeiveibys zynuotņu i tehnologeju korpusā, Paruodis īlā 1a (130. auditorejā). Konferencis suokys – 11.00 stuņdēs.

Da 25. septembra, aizpyldūt anketu ITE, var pīsasaceit daleibai konferencē.