Rokstu sagataveja: portals lakuga.lv

Dzīšmu autoram i izpiļdeituojam Aņšam Ataolam Bierzeņam izguojs dzīsmis “Tymsā vokorā” videoklips, informej pats muziks.

Dzīsme “Tymsā vokorā” publicāta 2012. godā, tod īkļauta Aņša Ataola Bierzeņa albumā “Pasaver”, kas izdūts 2015. godā. Tok dzīsmis video verseja sataiseita itūgod.

Dzīsme dzīduota garmanis pavadejumā, a araņžejumā īvadynuoti i cyti instrumeņti, nu kuru vysucīšuok izaceļ zuodžs i divejis skripkys Jurģa Ukrina izpiļdejumā. Dzīsme paruoda cylvāka puordzeivuojumus i dīnnakts cyklā, i myuža koņtekstā.

Itūgod Aņss Ataols Bierzeņš jau izdevs vairuokys jaunys dzīsmis, nūruodūt, ka teik gataveits jauns albums. Dzīšmu vuordi atrūnami A. A. Bierzeņa sātyslopā: ansis.lv