Tautys muzykantu svākūs byus seminars par tradicionalū muzyku kulturys dorbā

Tautys muzykantu svākūs byus seminars par tradicionalū muzyku kulturys dorbā
Itymā nedelis golā Viļānūs i Borkovā byus XII Tautys muzykantu svātki. Svātku laikā 4. augustā 13:00 Borkovys kulturys nomā nūtiks seminars „Tradicionaluos muzykys īsakļaušona kulturys dorbā. Myusu dīnu situacejis i sadarbeibys īspiejis”.

Iz seminaru aicynuoti tradicionaluos kulturys i tautys muzykys interesenti i navalstiskū organizaceju puorstuovi. Seminars nūteik projekta „NVO aktiva daleiba muziciešonys tradiceju saglobuošonys i puormontuošonys procesu planavuošonā i praktiskajā realizacejā” vydā i tyma paradzāta projekta pietneicys Ivetys Dukaļskys pietejumsa „Tradicionaluos instrumentaluos muziciešonys kai amatermuokslys žanra īsakļaušona kulturys īstuožu darbeibā” rezultatu atruodeišona, kai ari īsapazeisona ar kolegu pīredzi: par Viļānu ziņgis i muzykantu svātku pīredzi stuosteis Viļānu kulturys noma direktore Margarita Cakula, bet par tradicionaluos muziciešonys puormontuošonu – problemom i rysynuojumim viesteis folklorys kūpu „Vērtumnieki” i „Madaviņa”  vadeituoja, festivala „Baltica” organizatore Ingrīda Gudule. Piec seminara byus vareiba nūsaklauseit muzykantu vacmeistaru pīredzis stuostus i Tautys muzykantu svātku koncertu iz breivdobys skovutveitis pi Borkovys pamatškolys.

Seminaru reikoj Puordaugovys tautys muzykys bīdreiba sadarbeibā ar Tautys muzykantu bīdreibu (92,07% lelumā projektu leidzfinansej Eiropys Savīneiba ar Eiropys Socialuo fonda storpnīceibu. Zamuškaktivitati administrej Vaļsts Kanceleja sadarbeibā ar Sabīdreibys integracejis fondu).

Vaira dazynuošonys i dasasaceišona seminaram pa telefonu 26162146 ci e-postu biedriba@muzikanti.lv

Vaira par XII Tautys muzykantu svātkim Viļānūs i Borkovā skaiti ITE

Karteņa nu Tautys muzykantu bīdreibys arhiva, Ziņgeituoju i stuostnīku vokors Viļānūs

Print Friendly, PDF & Email

Kalenders

Apr
27
Sai
all-day “Satiec savu meistaru!” @ Latgola
“Satiec savu meistaru!” @ Latgola
Apr 27 – Apr 28 all-day
Tradicionalais pasuokums “Satiec savu meistaru!” itūgod byus vysa apreļa garumā i kotru nedeļgolu aicynuos interesentus iz kaidu nu latvīšu viesturiskajom zemem i Reigu izzynuot myusu namaterialū kulturys montuojumu meistarklasēs, praktiskuos nūdarbeibuos i lekcejuos, informej Latvejis[...]
10:00 “Vuolyudzāni” i latgalīšu rokstu... @ Rēzeknis Vaļsts gimnazeja
“Vuolyudzāni” i latgalīšu rokstu... @ Rēzeknis Vaļsts gimnazeja
Apr 27 @ 10:00 – 14:00
27. aprelī, Latgolys kongresa dīnā, Rēzeknis Vaļsts 1. gimnazejā (Dziernovu īlā 3a) nūtiks 24. skotuvis runys konkurss “Vuolyudzāni” i 23. atkluotuo latgalīšu rokstu volūdys i kulturviesturis olimpiade, informej Latgalīšu volūdys, literaturys i kulturviesturis školuotuoju asociacejis vadeituoja[...]
14:00 Dirigentis Andys Lipskys jubilej... @ Latgolys viestnīceiba "Gors"
Dirigentis Andys Lipskys jubilej... @ Latgolys viestnīceiba "Gors"
Apr 27 @ 14:00 – 15:15
Jau gondreiž 40 godu kordirigente Anda Lipska struodoj sovā profesejā. Dzīd. I īdrūsynoj dzīduot cytim. Ka kaids īrūsynoj, aizsuoc i mes dzīdim leidza, saīt dzīduošona voi varbyut dzīdynuošona? Nu rauduošonys aicynuojuma saīt raudynuošona, nu doncuošonys[...]