Rokstu sagataveja: portals lakuga.lv

Dzīšmu autors i izpiļdeituojs Aņss Ataols Bierzeņs, kurs zynoms i kai folklorys kapelys “Maskačkys spieļmani” vadeituojs, publicējs dzīsmis “Zīmys svātku nakts” videoklipu, informej pats muziks.

Dzīsmis vuordus saraksteja i 1914. godā latgalīšu poezejis antologejā “Kūkle” zam pseidonima Leidumnīks publicēja Ontons Skrynda. Zam 2019. gods Zīmyssvātku A.A. Bierzeņš meklēja myusdīneigu (na folklorys) latgalīšu Zīmyssvātku dzīsmi deļ Kolupa veiru vokaluo ansambļa “Čvartaks” izastuošonys, tok nikuo pīmāruota naatroda. A Leidumnīka dzejūļs, kod muzykants jū puorskaiteja, pots aizskanēja juo golvā, vajadzēja tik aizraksteit – tai roduos i muzyka deļ juo.

Aņša Ataola Bierzeņa dzīsme “Zīmys svātku nakts” pyrmūreiz tyka publicāta 2022. gods golā, reizē ar cyta latgalīšu muzika – Arņa Slobožanina – verseju par tū, kū kūpā ar grupu “Dabasu Durovys” īdzīduojuse Laura Svikša.

Dzīsmis vuordi atrūnami A.A.Bierzeņa sātyslopā.