Rokstu sagataveja: portals lakuga.lv

1. i 2. augustā Preili i Arendolis muiža byus Latvejis stuostnīku sasatikšonys vīta – tī nūtiks 10. Latgolys stuostnīku festivals, kas jau palics par naatjamamu regiona kulturys dzeivis daļu. Ituo gods tema ir fotografa omots, kas izcalts kai svareigs viesturis līcinīks, kurs ar sovom fotografejom dokumentej vītys, nūtikšonys i cylvāku dzeivis stuostus, saglobojūt tūs paaudzem iz prīšku. Projektu atbolsta Vaļsts kulturkapitala fonds, i tys ir daļa nu Latgolys kulturys montuojuma saglobuošonys iniciativys, viestej pasuokuma organizatori nu Preiļu Golvonuos bibliotekys.

Projekta laikā paradzātys vairuokys nūtikšonys: lelais stuostu vokors Preiļu pilī kūpā ar instrumentalū ansambli “L’Chaim”, lekcejis Igora Pliča i Gintys Zalcmanis vadeibā, interaktiva nūdarbeiba i boguoteigs stuostu kluosts, kas atspīgeļoj fotografejis viesturi i tuos lūmu Latgolys kulturā.

Preili kai festivala nūrisis vīta nav izalaseita najauši, kam ite atsarūn Latgolys fotografu bīdreibys vadeituoja Igora Pliča izveiduotais fotografeju viesturis privatmuzejs i fotografa Juoņa Gleizda memorialuo ustoba. Preiļu Golvonuo biblioteka aicynoj stuostnīkus, fotografus i sevkuru interesentu sekuot leidza informacejai par festivalu i pīsadaleit nūtikšonuos.

“Naseņ asam izsyutejuši aicynuojumu stuostnīkim dasaceit daleibu, itūšaļt jau ir ostoni dalinīki. Prīcynoj, ka na tik vītejī nu Preiļu pusis, tok ari nu Rēzeknis, Solyspiļs i Reigys. Festivals nūtiks vītuos, kur kotrai ir sovs viesturyskais šarms, mes ari gribiejom izīt uorpus Preiļu piļsātys, deļtam īkļauta ari breineiguo Arendolis muiža. Nu sirds aicynojam ļauds apmeklēt itū nūtikšonu, tei nabyus tik vīnkuorša pasarunuošona, tok saturiski informativys, izzynūšys i viesturyski boguoteigys sarunys, kas ļaus satureigi pavadeit sovu laiku,” stuosta Preiļu Golvonuos bibliotekys vadeituojis vītneica Sigita Trūpa. Stuostnīki aicynuoti dasaceit daleibu da 20. juļa, zvonūt festivala organizatorim 29495394 (Vilhelmīne Jakimova), 26368917 (Sigita Trūpa).

Festivala programa

1. augusts
12.00–12.30 – Stuostnīku festivala atkluošona.
Preiļu Golvonuo biblioteka, Kuorsovys īla 24, Preili.

12.30–13.30 – Eisūs stuostu aplis.
Preiļu Golvonuo biblioteka, Kuorsovys īla 24, Preili.

14.00–15.00 – Fotografa, Latgolys fotografu bīdreibys vadeituoja Igora Pliča lekceja “Amats – dzīves pamats”.
Pliča sāta, Raiņa bulvars 9, Preili.

15.15–16.15 – Meistardarbneica “Mazais bilžu rāmītis” kūpā ar Preiļu Golvonuos bibliotekys Bārnu nūdalis vadeituoju Solvitu Ertu.
Pliča sāta, Raiņa bulvars 9, Preili.

16.30–17.30 – Fotografa, Latgolys fotografu bīdreibys vadeituoja Igora Pliča lekceja “Fotogrāfija no dagerotipa līdz mākslai”.
Pliča sāta, Raiņa bulvars 9, Preili.

20.00–22.30 – Lelais stuostu vokors Preiļu pilī kūpā ar instrumentalū ansambli “L’Chaim”.
Preiļu piļs, Raiņa bulvars 30, Preili.

2. augusts
9.00–10.00 – Arendolis muižys stuosts ar saimineicu Faimju Turlaju.
Arendolis muiža, Arendole, Rūžkolnu pogosts, Preiļu nūvods.

10.15–11.30 – Stuostu darbneica “Fotogrāfija – laikmeta spogulis”.
Arendolis muiža, Arendole, Rūžkolnu pogosts, Preiļu nūvods.

11.45–12.45 – Lekceja “Preiļu novada ļaudis, kultūrvēstures liecības senās fotogrāfijās” ar projekta “Zudusī Latvija” vadeituoju Gintu Zalcmani.
Arendolis muiža, Arendole, Rūžkolnu pogosts, Preiļu nūvods.

14.30–15.30 – Interaktiva nūdarbeiba “Stāstnieks pret mākslīgo intelektu” ar Preiļu Golvonuos bibliotekys vadeituoju Ilonu Skorodihinu.
Arendolis muiža, Arendole, Rūžkolnu pogosts, Preiļu nūvods.

15.30 – Festivala nūslāgums.
Arendolis muiža, Arendole, Rūžkolnu pogosts, Preiļu nūvods.