Rokstu sagataveja: portals lakuga.lv

Dzīšmu autors i izpiļdeituojs Aņss Ataols Bierzeņš izlaids dzīsmis “Šopereits” videoklipu, informej pats muziks. Taipat Aņss aicynoj 14. martā 16 stuņdēs Sutru kulturys nomā apmeklēt juo jubilejis koncertu, kurā tiks prezentāts ari jauns albums.

Koč i dzīsme “Šopereits” izlaista pyrma 14 godu – 2012. gods 23. februarī, Aņšam tuos videoklipu saguojs nūjimt tik pārņ, a samontēt – niu. Jis nūruoda, ka jau 2012. gods vosorā ļauds vaicuojuši, voi itai dzīsmei byus i klips, tok dzeivē na vyss nūteikūt mudri. Pats autors i izpiļdeituojs raksturoj, ka “Šopereits” asūt “jūku dzīsme, ar mažora melodeji, vīna nu ļusteiguokūs Aņša dzīšmu”. 

Klips nūjimts Garkaļnis apleicīnē. Tuo golvonais rekvizits – Stroda Juoņa tāva žyguļs nu Vyšku pogosta Syubru solys.

Dzīsmis vuordi atrūnami A. A. Bierzeņa sātyslopā.

Taipat Aņss Ataols Bierzeņš aicynoj iz sovu jubilejis koncertu i jaunuo albuma prezentaceju 14. martā 16 stuņdēs Sutru kulturys nomā. Īīšona – bez moksys.