Rokstu sagataveja: portals lakuga.lv

Kulturys īsacejumus itai nedeļai sagatavejuse Bolvu nūvoda Ruguoju vydsškolys školuotuoja Sanita Anckina, kura itymā vuiceibu godā suokuse vadeit latgalīšu volūdys nūdarbeibys pyrmsškolys grupā. Sanita īsoka nūsavērt kaidu Juoņa Streiča kinu, apmeklēt izstuodi Ruguoju bibliotekā i vokalūs ansambļu skati Bolvūs.

Nūsavērt kinu

Paguojušajā nedeļā, 5. martā, 89 godu vacumā myužeibā nūguoja legendarais režisors i izcylais latgalīts Juoņs Streičs. Īsoku nūsavērt kaidu juo uzjimtū filmu – muna meiluokuo ir “Cylvāka bārns”.

Prīcynuot acs ar pučem

Cikom vēļ eistuos pučis nav izzīdiejušys, var paprīcynuot acs Ruguoju bibliotekā, kur leidz mieneša beigom apsaverama baļtinavītis Ariadnys Grigorjevys atlasa leņteišu zīdu pušku izstuode.

Baudeit skaneigys dzīsmis

Dzīd na tik putni, bet šmuki dzīd i ansambli! Skaistys i skaneigys dzīsmis skanēs sastdiņ, 14. martā, Bolvu kulturys nomā vokalūs ansambļu skatē. Ari es poša tī pīsadaleišu ar sovu ansambli.