Tests: cik jūceigs ir itys tests?
Rokstu sagataveja: portals lakuga.lv
1. apreļam pīstuov jūki, partū portals lakuga.lv tev ir sagatavejs jūceigu testu, kab puorbaudeitu tovys zynuošonys i jūku leimini ap vysaidim interesantim vaicuojumim. Pasmaidi i nasanaidoj!
Rezultats
#1. Kurs portalam lakuga.lv izsacejs itū komentaru?
Paļdis vysim portala lakuga.lv skaiteituojim i komentātuojim – mes puorskaitom i prīcojamēs par kotru komentaru. Tok itaidus komentarus mums izsoka uorzemu spameri. Jūs lobī vuordi redakceju cīši motivej dareit iz prīšku i pasmaideit.
#2. Kas ir itī diveji latgalīšu muzykanti?
Tik šmuki i kupli moti jauneibā beja Kristapam Rasimam i Aigaram Runčim!
#3. Kurī nu itūs Latgolys vītvuordu ir izdūmuoti – atzeimoj napareizūs vītvuordu ryndu!
Latgolā nav taidu vītu kai Cyblyskolna, Leluos Buļbovys i Šļupstu pūra, bet puorejuos gon ir pavysam realys vītys Latgolā.
#4. Izatāloj! Tu esi gostūs Latgolā, kur tevi nūsādynoj pi golda i kuorteigi pabaroj. Kas juosoka, kod tu apēd vīnu porceju i saimineica prosa: “Tev īlikt vēļ?”
Nivīna nu itūs atbiļžu nav pareiza, kam Latgolā saimineicys līk ēst ūtru porceju bez praseišonys!
#5. Kurai Latgolys slaveneibai pīdar itys smaids?
Itys smaids pīdar Hlebnikam nu Guntixa kinys “Būrejc”.
#6. Kas ar itū īpakuojumu nav rikteigi?
Ituo KUUP kopeja eistais nūsaukums ir “Malnais Ontons”.
#7. Kura Latgolys personeiba attāluota itymā rebusā?
Pareizuo atbiļde – Lauris Zalāns.
#8. Kurs latgalīšim sūlej lelu naudu?
Dīvamžāļ, bet latgalīšim miļjonus sūlej nīvīns cyts kai kruopnīki, kurī aktiviziejuos piec tam, kod 2024. godā Google Translate pasaruodeja latgalīšu volūda. Juopīzeist vys, ka jūs aktivitate dreiži nūploka, kam nivīnam latgalīšam itys nasaruodeja tycami. Jem vārā – itys ir lobais pīmārs, kod latgalīšu volūda nūdar, lai pasorguotu seve škārsteiklā!
#9. Kas vysulobuok roksta latgaliski?
Portals lakuga.lv nasašvuorboj par mynātūs cylvāku latgalīšu rokstu volūdys prasmem, tok sacynoj, ka lobuok par dažu lobu latgalīti roksta TEMU! Jūks pa jūkam, tok, ka tu gribi īsavuiceit lobuok raksteit latgaliski, tod ITE ir daīmamys video nūdarbeibys, kuruos vari vuiceitīs latgalīšu rokstu volūdys pamatus kūpā ar Muoru Mortuzāni-Muravsku.
Komentari