Aptauju sagataveja: portals lakuga.lv

Latgalīšu kulturys ziņu portals lakuga.lv aicynoj sovus skaiteituojus i cytus interesentus paleidzēt nūskaidruot skaiteituoju apmīrynuoteibu ar portala darbeibu, kai ari apzynuot jūs vajadzeibys, kab īzeimātu portala atteisteibys vierzīņus i prioritatis iz prīšku. Skaiteituoju apvaicuošona ir anonima, bet atbiļdis byus vierteigs informacejis olūts dorbam iz prīšku. 

Latgalīšu kulturys ziņu portals lakuga.lv dorbojās jau 18 godu i vēļ arviņ ir vīneigais oficiali registrātais medejs Latvejā, kas kotru dīnu latgaliski viestej par nūtikšonom Latgolys kulturā i latgalīšu kulturā pasaulī.