Nūsaslāguse latgalīšu kulturys ziņu portala lakuga.lv raidīroksta “Mīti” ūtrei sezona. Septeņuos raidīroksta serejuos tyka runuots par temom ap volūdu, literaturu, originaldramaturgeju, muokslu, gruomotom, medejim i viesturyskajom zemem. Vysys epizodis var nūsaklauseit YouTube, Spotify i Apple Podcasts. Kab saprostu, kai uzlobuot taida veida saturu, portala lakuga.lv redakceja vaicoj tova redzīņa.

Raidīrokstu veiduoja latgalīšu kulturys ziņu portals lakuga.lv, bet jū finansej Medeju atbolsta fonds nu Latvejis vaļsts budžeta leidzekļu. Raidīroksta producente i projekta vadeituoja ir latgalīšu kulturys ziņu portala lakuga.lv vadeituoja Amanda Anusāne, bet epizožu redaktoris i vadeituojis ir portala redaktore Laura Melne, kai ari žurnalistis Edeite Laime i Marta Puzāka. Džinglus sagataveja “Funky Town Studio”, raidīroksti īraksteiti “FT Production” Reigā i Latgolys Regionaluos televizejis studejā Rēzeknē. “Mītu” vizualū identitati izstruoduoja dizainere Liāna Merņaka. Raidīroksta pyrmuos sezonys epizodis var nūsaklauseit ITE.