Trešdiņ, 4. februarī, 16 stuņdēs Latgolys Centralajā bibliotekā nūtiks muokslineicys Alīnys Petkūnis gleznīceibys i grafikys dorbu izstuodis “Piena sapņi” atkluošona i sasatikšona ar autori.

Izstuode pīduovoj vizualu i poetisku viestejumu par Latgolys lauku dvēseli, cylvāka i dzeivinīka pastuoviešonu sūpluok, kai ari dziļū saikni ar zemi, laiku i atmiņu. Dorbūs sasavyn Latgolys folklorys tālaineiba ar laikmeteigu, sīviškeigu skotu iz lauku kasdīnu i tuos simbolim.

Alīna Petkūne ir Latvejā dzymuse pūļu izceļsmis muokslineica, zynoma ar pseidonimu “Art Dalyna”. Jei ir dabuojuse bakalaura gradu vidis dizainā i treis magistra gradus – muokslys pedagogejā, grafikā i keramikā, kai ari itūšaļt studej tieļnīceibu Latvejis Muokslys akademejā. 

Alīnys Petkūnis gleznīceibys i grafikys dorbu izstuode “Piena sapņi” Latgolys Centralajā bibliotekā byus apsaverama da 27. februara.