Puorguojīņs pa Rēzekni “Piļsāta i upis i storp stacejom”

When:
28/01/2023 @ 12:00 – 15:00
2023-01-28T12:00:00+02:00
2023-01-28T15:00:00+02:00
Where:
Rēzekne
28.janvarī gaidoms puorguojīņs pa Rēzekni “Piļsāta pi upis i storp stacejom”. Plānuots apmāram 3 stuņžu laikā nūīt ap 7 kilometrim.
Tū suoks pi dzeļžaceļa stacejis “Rēzekne II”, varēs izzynuot, ar kū tei ir seviška. Tuoļuok pa Stacejis īlu īs iz olimpiskuo centra “Rēzekne” pusi. Ite sagaideis stuosts par sportiskū Rēzekni. Piec tam ceļš vess iz Kulturys i atpyutys parku i Raiņa pīminekli tymā. Ceļā iz upis promenadi īs gar Rēzeknis Sporta puorvaļdis stadionu i slimineicys viesturiskū āku.
Puorguojīņa laikā treis reizis škārs Rēzeknis upi – pyrmū reizi Nikodema Rancāna īlā, ūtrū reizi piec Vacūs kopu apsavieršonys V.Purvīša īlā atsagrīzs upis lobajā krostā Krosta īlā, pa kuru nūīs da Rēzeknis piļsdrupom i Rēzeknis Turisma informacejis centram. Tuoļuok ekskursejis nūslādzūšais pūsmys ar trešū Rēzeknis upis škārsuošonys reizi Piļs īlā, īmūt da Latgolys viestnīceibai “Gors” i dzeļžaceļa stacejai “Rēzekne I”.

Kab īcarātais maršruts izadūtu, aicynoj apgierbu pīskaņuot laikaapstuoklim. Īspiejams, ka var nūderēt termoss ar syltu dzierīni ci butele ar iudini.

Puorguojīni vadeis gids Laurs Magazeiņs.
Laurs voda puorguojīņus i ekskursejis kai vītejim, tai ari uorzemniekim nu 2016. gods, pamotā Reigā, Pīreigā, ari cytur Latvejā i Baļtejis vaļstēs.

Puļciešonuos 28.janvarī 12 stuņdēs pi dzeļžaceļa stacejis “Rēzekne II” (Stacejis īla 7a, Rēzekne).
Puorguojīni nūslēgs pi dzeļžaceļa stacejis “Rēzekne I” (Azara īla 52, Rēzekne).

Pīsasaceišona Rēzeknis Turisma informacejis centrā, tel. +371 26332249 ci rokstūt iz tic@rezekne.lv .

Print Friendly, PDF & Email

Kalenders

Feb
29
Cat
all-day Evijis Styrnys gleznu izstuode “... @ Rēzeknis Centraluo biblioteka
Evijis Styrnys gleznu izstuode “... @ Rēzeknis Centraluo biblioteka
Feb 29 all-day
Mādz saceit, ka dzeive ir sapyns. Izstuodē ir vārojamys gleznys akvareļu tehnikā, kuru var skaiteit par eipaši pīmāruotu sapynu atspaitu radeišonai. Akvareļu kruosys ar sovu plyustūšū caurspeideigumu ļaun mums īsajust sapynu pasaulī, kur vysu dzeivūs[...]