25. februarī 13.00 stuņdēs Daugovpiļs Nūvodpietnīceibys i muokslys muzejā “Saimis dīnys” laikā bārnim i vacuokim byus vareiba īpazeit izstuodi “Māla gravitācija”, kas ir veļtejums keramika Stanislava Vylcāna 105. jubilejai, i nūtiks rodūšuo darbneica kūpā ar Nelliju Dzalbu.

 

Daugovpiļs Nūvodpietnīceibys i muokslys muzejā pyrmī Stanislava Vylcāna dorbi tyka 1966. godā. Muzeja kruojumā teik globuoti S. Vylcāna radeitī dekorativuos pūdnīceibys paraugi – vysaida veida i leluma vāzis, skryuzis, servizis, sviļpaunīki i “laksteigolys”. Izstuodē “Māla gravitācija” apsaverami 126 Stanislava Vylcāna taiseitī muola pūdi, vāzis, skryuzis, kas spylgtai atspīgeļoj Latgolys i Sylajuoņu keramikys tradicejis. Izstuodi papyldynoj ari M. Caunis fotografejis – Stanislava Vylcāna portreti i ainys nu keramika kasdīnys.

 

Rodūšuo darbneica: bārnim i vacuokim byus vareiba dorbuotīs ar muolu, taisūt nu tuo ezeiti. Itū nūdarbeibu vadeis keramike Nellija Dzalba. Tai kai “Saimis dīnys” daleibnīku skaits ir īrūbežuots, interesenti aicynuoti dasaceit daleibu sovlaiceigai, dorba dīnuos zvonūt 20203713.

 

Saimis beleta cena – 7 eiro. Tymā īkļauta daleiba nūdarbeibā, kai ari muzeja ekspozicejis i izstuožu apsavieršona.