Itūšaļt Latvejā ir pyrma vieliešonu laiks, kod pylsūni lem, par kuru nu deputatu kandidatu sarokstim atdūt sovu bolsu. Ari pyrma 100 godu 1922. goda 7. i 8. oktobrī riezeknīši, kai ari vysys Latgolys i Latvejis dzeivuotuoji devēs iz vieliešonu īcirknim, kab īvālātu Latvejis Republikys 1. Saeimu. Nu Latgolys vieliešonu apgobola 1. Saeimā beja juoīvielej 25 deputati. Sovus kandidatus izvierzeja ari četrys latgalīšu politiskuos partejis, kas sūlejuos aizstuovēt Latgolai nūzeimeiguos interesis.

Pasuokumā varēs nūskaidruot, kas beja kūpeigs, kas bija atškireigs Saeimys vieliešonuos myusu dīnuos i tūlaik, parkū latgalīšu interesis 1. Saeimā puorstuovēja vasalys četrys politiskuos partejis, kaida tūlaik beja vālātuoju aktivitate. Taipat tiks apsavārtys latgalīšu parteju prīškvieliešonu kampanis, kai ari nasaskaņu i streidu īmasli parteju storpā i tūs sakys Saeimys darbeibā. Na veļti vieliešonu kampanis laikā Latgolys Zemnīku partejis puorstuovs Jezups Kindzuļs raksteja: “Mes latgališi sukojam un mozgojam wins utru, wysam pasauļam sowus tryukumus rodam.” (Kindzuļu Jezups. Latgališu sowstarpeji streidi, Latgalits, 1922, 29. aug., nr. 33.)