Svātku koncertā izskanēs kapelys darbeibys laikā izpiļdeituos dzīsmis – kai latvīšu i latgalīšu tautysdzīšmu apdaris, tai ari ziņgis i originaldzīsmis. Itei dīna byus pavysam eipaša, kam tiks svieteita i Igauņu saimis kapelys 35 godu jubileja, i ari jūs meitu grupys “Muosys” desmit godu jubileja. Skaneigi bolsi, instrumentu spēle, muzykals ceļuojums cauri latvīšu tradicejom, sajiutom i laikmatim, atguodynojūt par myusu saknem, spāku i kūpeibys sajiutu, kas itymā laikā ir tik cīši svareigi.